《大人囡a2詩》

 | | | 轉寄

Chióng...獎

作者 Li KhinhoaN 2005.10.09

listen



Chióng ū chin-chē chióng
獎有真chē種
Chióng-kim chióng-pâi chióng-chn̄g saⁿ-chióng
獎金獎牌獎狀三種
Chióng-poe chióng-pôaⁿ chióng-kî la̍k-chióng
獎杯獎盤獎旗六種
Khó-lêng iáu-ū, chhiaⁿ lí bān-bān-á siòng
可能 iáu 有，請你慢慢仔相
Chióng-kim hit-hō chióng
獎金hit號獎
Kim-gia̍h koân, sò͘-jī koh ē liòng
金額高，數字 koh 會 liòng
Ū-sî liòng kah hāi-lâng kám-chêng siong
有時 liòng kah 害人感情傷

Chióng-chn̄g hit-hō chióng
獎狀彼號獎
Po̍h-po̍h chóa chi̍t-jī chióng
薄薄紙一字獎
Kong-lô khó͘-lô tī chóa-siōng
功勞苦勞在紙上
Mài hiâm i bô si̍t-chit hāu-iōng
Mài 嫌伊無實質效用
Kheng súi-súi, kòa piah-siōng
框 súi-súi，掛壁上
Sui-jiân hi-êng, mā chèng-siông
雖然虛榮，mā 正常
Bô-koán tó chi̍t-chióng
無管 tó 一獎
Niá-tio̍h lóng chin thiòng
領著攏真 thiòng
Niá bē-tio̍h mài bián-kióng
領 bē 著 mài 勉強
Niá bô-tio̍h, ko͘-put-jî-chiong mā-tio̍h chiong
領無tio̍h，姑不而將 mā tio̍h終
Chhian-bān m̄-thang kā lâng tiòng-siong
千萬 m̄-thang kā 人中傷
Hong-tō͘ ài hó, ài ū tō͘-liōng
風度 ài 好，ài 有肚量
--2003/4/28 Harvard 今仔日第二遍領著哈佛大學ê 教學傑出獎 (Distinction in Teaching) Kin-á-j…t tē-jī-piàn niá-tio̍h Harvard Tāi-ha̍k ê kàu-ha̍k kia̍t-chhut-chióng(Distinction in Teaching)