《赤崁樓ê情phoe》

 | | | 轉寄

Pōe’iáⁿ

作者 Koa Pek'êng 2021.05.23



Lí kiò góa kā ba̍kchiu kau hō͘ lí
O͘’àm sī lí ê sèkài
Ngó͘ hoe cha̍p sek ê pò͘kéng
Lâu thòaⁿ o͘ kúikúi ê bū

Pok chi̍t chhùi Tn̂gsiū
Thò͘ chi̍t káng lāmmōa ian
Chai chi̍t koàn biluh
Phah chi̍t siaⁿ pe̍hba̍k eh
Pō͘ chi̍t kháu chheⁿ’á
Phùi chi̍t pû o͘ sim to̍k hoeh

Ūihô góa ê kha pō͘ jú kiâⁿ jú chhoah
Ūihô góa ê lênghûn jú lā jú chhàu
Cháubī ê chhengchhun lāité
Au chi̍t tui oai oai chhit chhit ê n̂g sng tah miā

Pōe kng ê hìchhut
Góa bōegiàn poaⁿ
Góa koattēng hoánpōe lí
Khó͘ⁿ’ò͘ⁿ ê——
Iáⁿ