《赤崁樓ê情phoe》

 | | | 轉寄

Siû Bāng

作者 Koa Pek'êng 2021.05.16



Iāhêng kun ê sihsut’á pòsò͘ siaⁿ sàu
Ka tn̄g tù khíkôⁿ ê khùnbîn
Sô tī chhiûⁿá kak sûnlô ê siānthâng’á peng
Chha̍t thâu chha̍t hīⁿ, iōng hôe’ek ê lûita̍t
Sàubiô siûsek lāi ê góa

Lênghûn hō͘ pê bóan jiâubûn ê goe̍hniû hē tio̍h hû’á
Thâu hunhun, náu tūntūn
Kâmtio̍h bāng ê nichhùi

Siû bāng chi̍t gia̍h kha
Sûi that tò bih tī piah-kak ê kì’ek àng
Se̍h chhut kanlo̍k ê hoahhiu
Tiò khí chhân chùn kau ê chhiòsiaⁿ
Khiâ chhiūⁿ apa kengkah ê bô siâ
Tiâu tī a-má ké chhùi-khí phāng ê
Chi̍t mî tōa chi̍t chhùn

Kiú’ûi ê se̍k’iông tī ânghia chhùténg siù chiamchí
Kim n̂g kam’á âng chhong sisòaⁿ, sôan tîn bān siā
Soá kīn ê iantâng thò͘chhut chháitòa iūⁿ ê thiàⁿsioh
Ah! He sī abú chhiútê kāu kián ê kiaungō͘

Hiongchhiû thí-khui góa ê gôansîn
Kā sòaⁿ iā’iā ê kìtî
Chi̍t lia̍p chi̍t lia̍p khioh khí
Hongkòa ê sîchūn
Ba̍kchiu kak bô sèjī khì hō͘ suliām chhèng‧tio̍h
Ku̍t lo̍h chi̍t tih kui put hôe ê kahn̂g