《赤崁樓ê情phoe》

 | | | 轉寄

Siû Miā

作者 Koa Pek'êng 2021.05.09



Tī chit tè khiónghat sī ha̍phoat
Chauthat sī chètō͘
Khausé sī chèngtong ê
Jia̍tnāu ê lênghûn phahng tē
Lâng ê chungiâm
Chhinchhiūⁿ chhiu bóe ê lo̍h hio̍h
Un tī lō͘kô͘bê’á‧lin
Kùchāi uikoân la̍p lâi la̍p khì

Tī chit khut
Ko͘toaⁿ jú lâi jú hiaupai
Che̍kbo̍k jú lâi jú chhàngchhiu ê
Àm sàm tōng
Ēng jiâubûn kiáu lām thunlún chìmphàu ê bīn té phôe
Chí putkò sī ok chè so îⁿ liap píⁿ ê
Chhitthô mi̍h

Pûi chutchut ê léngtām chi̍t gia̍h kha
Tiō tùi thàuchá hāⁿ kòe hônghun
O͘’àm tī lô pâng lāi khin thiàu khoàilo̍k ê bú pō͘
Soenó͘ tī ga̍k hong tiong gîm chhiùⁿ bê chùi ê koasi
Iô iô khi khi ê bāng chhiûⁿ
Chhat móa ū thé bô hûn ê kha’ìn

Pek kóaⁿ‧ê sī ân tòngtòng ê khaliâu
Nńg‧khì ê sī tēng khokkhok ê la̍tthâu
Koaiⁿ lô‧ê sī e̍h chiⁿchiⁿ ê kìtî
Hn̄g‧khì ê sī phang kòngkòng ê chhù bī

Hong iûgoân leh hoah hō͘ iûgoân leh háu
Góa lia̍pchek phahm̄kiàn ê chhengchhun
Kah thàumê thàu ji̍t ê phahpiàⁿ siàusiūⁿ
Sio̍k’hôe chūi’û
Siáng chai kásek jú chhī jú lò
Sitbōng jú chia̍h jú pûi
Góa ê ba̍kchiu khòaⁿ bē tio̍h kò͘hiong ê thiàⁿsioh
Kò͘hiong ê phīⁿ mā phīⁿ bē tio̍h góa sainai ê bī

Chheⁿléng ê thih thang hē kha
Tiàu chi̍t tiâu pī chhiat-tn̄g ê siaⁿ tòa
Gîn hò͘hò͘ siā hiòng
Bē kng ê thiⁿ