《赤崁樓ê情phoe》

 | | | 轉寄

Lāu Peng ê Pichêng ── Kimmn̂g sióngsiōng chi jī

作者 Koa Pek'êng 2021.12.05



Tùihōaⁿ iân phàulúi pêji̍p ba̍kchiu
Kimsek phah khui kong’êng ê chêng pòaⁿ sìlâng
Káⁿ sí koh sí bē khì ê oa̍h
Uikoân thiàuji̍p thihthang teh píⁿ kengkah
Pe̍hsek amkhàm oankhut ê āu pòaⁿ sìlâng
Siūⁿ sí koh sí bē khì ê sí

Siáng niû ē chhut kong’êng ū kúi lí tn̂g?
Siáng chhìn ē chhut oankhut ū kúi kin tāng?

Phāiⁿ kichhèng sǹg bánthô
Kā chhengchhun thui kah kimkong siámsiám
Tèng khaliâu pō͘ chhàikin
Kā sòegoa̍t auchò pháiⁿ tâng kū siah
Kǹg kòe chiàⁿchhiú ê chhèngchí íkeng seⁿsian
Huihông ê khangchhùi chá chiū kianphí
Kòngtn̄g tòkha ê hêngkùn íkeng ji̍p chàu
Bújio̍k ê sionghûn iáu koh sin sin
Kó͘lêngthâu ê phàuhō͘ chin lāi
Lāi bē kòe Hóesio Tó ê ga̍khong

Thunlo̍h sîtāi piàn’ōaⁿ ê hong hoah hō͘ jiáng
Chàitō͘ khiā tū "毋 忘 在 莒" thâuchêng
Âng kng chhiah ji̍tthâu ê siòngphìⁿ
Chi̍t tiuⁿ chi̍t tiuⁿ tâiji̍p Thàibú Sam Kongbōng
Ta̍h kòe honghóe ta̍h kòe phàutôaⁿ chhùiphìⁿ ê kìtî
Iáu tī Chiànsú Koán ê hō͘tēng eng’ia

Chiànsū enghiông póng koh ánchóaⁿ
Mā engkai chhiâu chi̍t ê khangūi hō͘ góa hiohchhoán
Bônāi chóa thâu bô sèⁿ chóa bóe bô miâ ê hunchiong
Ōaⁿchò chi̍t tiuⁿ kâm hoeh bû thiⁿ ê poānloān phòaⁿkoat su

Kìek ê chhèngkoáiⁿ koh chài chiūⁿkūi thiàubōng siōng chiânsòaⁿ
Chhàuphú ê le̍ksú ek lâi keklia̍t ê simchiàn hán ōe
Khangkhang ê chiàⁿ chhiúńg kau bē tiâu êng’ū ê kongchhái
Tēngtēng ê ké tòkha chàm bē phòa okbāng ê im’iáⁿ
Tuisióng siàuliân ê hongsîn
Tùichiàu lāu kéng ê piliâng
Ba̍kkho͘ chek chhut chi̍t tih phòachhùi ê ba̍ksái

Kéngchóng ánchóaⁿ koànchúi
Tiâucha Kio̍k ánchóaⁿ tiānkek
Lāu khì ê thâukhak
Sian siūⁿ to siūⁿ bô
Kā góa itseng chhiatchò nn̄g pòaⁿ ê
Hit tiuⁿ akiōng’á soanthoântoaⁿ
Tangsî liâm tī tòkha ê
Êté?