《赤崁樓ê情phoe》

 | | | 轉寄

Lāu Kimmn̂g ê Simsū ── Kimmn̂g sióngsiōng chi saⁿ

作者 Koa Pek'êng 2021.12.12




Kiâⁿji̍p oanoan khiaukhiau ê Kimmn̂g lāu ke
Chi̍t chiah thó͘káu’á hiòng lí pūi nn̄g siaⁿ chheⁿhūn ê chioho͘
Lāu‧khì ê sòegoa̍t hiônghiông khiā khí‧lâi
Thí khui lia̍t âng hoehkng tiámto̍h làukau ê kìtî

Gûni pe̍h ê koliông tiūsūi siautháu lāilāi ê siochiú phang
O͘ le̍k ê hiânbúchio̍h thoân thòaⁿ thih hoeh ê sektì
Peh Jī Sam phàuchiàn ê phûtiau siámsih éngkiú ê le̍ksú kongchhái
Pitli̍h ê chân pi Tiaulêng ê phàutâi
Tī kôankôan ê Tàibú Soaⁿ téng chhī báng

Lāu ke bô siaⁿ bô soeh
Lāu chhù bô ōe bô kù
Sîkan chēngchēng’á ōaⁿ ia̍h
Íkeng bô phàutôaⁿ tia̍p lí ê gia̍hthâu
Sat siaⁿ ia̍h bē koh thiah lí ê chhùitûn
Lí kiâⁿkòe ê lō͘ hō͘ chi̍t têng chi̍t têng bûnbêng amcha̍h

Chi̍t tīn gia̍h gō͘chheⁿ kî ê kap chheng thian pe̍h ji̍t sio chim sio lám
Iōng chhitthô ê sim hō͘siōng kaupôe pôaⁿnóa
Le̍ksú ê sionghûn khehmóa iûkheh ê ba̍kchiu
Sò͘kiat ê hongsio̍k ní chi̍t sin hoânhôa
Sia̍p chhut kāukāu ê tângsian’á bī

Hn̄ghn̄g phahng ê phàulúi kap háipêngsòaⁿ
Tī se̍kiông ê nn̄g thâu khiú tōasoh
Bô lám bô ne ê ji̍tthâu tòng bē tiâu o͘hûn ê lêngtî
Ko͘toaⁿ ê lō͘teng hiankhui àmmî cháuchhōe lâng’iáⁿ
Kiantēng ê hoakangchio̍h iûgoân thêngthêng hiòng tùihōaⁿ chhiàngsiaⁿ
Chísī lí ba̍kchiu lāi ê hóechheⁿ chátio̍h hoa‧khì

Lí kā tókhi ê sòegoa̍t kap tapô͘ ê óngsū
Kiáu goe̍hkng chò chi̍thóe thînlo̍h nââukhang
Unsi̍p chi̍t siú seⁿko͘ ê kunkoa
Siàuliām sí giāngiān ê hongkong