《赤崁樓ê情phoe》

 | | | 轉寄

Iâm Sú Siusû Cha̍p Khò

作者 Koa Pek'êng 2021.10.31



Chi̍t lia̍p chi̍t lia̍p iâm
Chi̍t tih chi̍t tih kōaⁿ
Chi̍t sûn chi̍t sûn jiâubûn
Chi̍t tǹg chi̍t tǹg jīnhūn
Sī pâipí

Chi̍t-phiàn pe̍h siaksiak ê kîpôaⁿ
Iâmkang ēng iâmpê'á kiâⁿkî
Sī choánhòa

Chi̍t sian oan'io pê iâm ê tiausiōng
La̍t kap bí ê kiatha̍p
Sī siōngteng

Ji̍tthâu hē kha
Chi̍t chō sìⁿmiā ê kiatcheng siámsiám sihsih
Sī chiohtāi

Apa ēng kutla̍t kng sánchhiah
Abú ēng khînkhiām chhī bīlâi
Sī tùingó͘

Chhutgōa phahpiàⁿ ê kiáⁿsun
Chian hî bē kìtit sīⁿiâm
Sī tòhoán

Chhitkó͘ ê khongkhì
Jú lâi jú chiáⁿ‧ah
Sī choánphín

Chi̍t àng iâmàng'á
Té saⁿ pah saⁿ cha̍p peh tang ê tìhūi kap hoehkōaⁿ
Sī khoasek

Pe̍hlēngsi, lí kiu chi̍t ki kha
Kám sī leh chhekliông thiⁿ tē ê kiâmtō͘?
Sī siatmn̄g

Chi̍t tè "koankong iâmchhân" chiopâi
Chi̍t kûn ha̍kseng gín'á lôlô ê ba̍kchiu 　
Sī------