《CTT出頭天園地》

 | | | 轉寄

I-sap 寓言 35

作者 TLH 2007.10.14

35. Phòa-pēⁿ ê Sai

Chi̍t-chiah phòa-pēⁿ kàu teh-beh sí--khì ê sai, tó t7 i ka-kī ê tōng-kháu, kan-ta chhun chi̍t-sut-á khùi-si-á. Hū-kīn ê iá-siù lóng lâi ûi tī i ê sin-piⁿ. Sai jú bô kùi-la̍t, in chiū jú óa-kīn--i.

Chiah-ê tōng-bu̍t khòaⁿ-tio̍h sai kiông-beh sí--khì, sim-lāi siūⁿ kóng, “Pò-siû ê sî-ki í-keng kàu lah!” Soaⁿ-ti iōng i ê tn̂g-gê kā sai tuh--lo̍h--khì, gû mā iōng i ê kak kā sai lòng--lo̍h--khì. Sai iû-goân lóng bô pòaⁿ-tih khùi-la̍t thang tí-khòng, bē-tín bē-tāng tó tī hia.

Chit-sî, lî-á kám-kak sai í-keng tùi i bô gûi-hiàm-sèng lah, chiū bóe-liu ǹg sai, iōng kha-tê-á tùi sai ê bīn that--lo̍h--khì.

Sai tōa-siaⁿ ai, kóng, “Siū-tio̍h chit-khoán ê bú-jio̍k si̍t-chāi sī pó sí koh-khah thòng-khó͘.“ Ah! Kan-ta joán-jio̍k bô-táⁿ ê lâng chiah ē khì kong-kek teh-beh sí ê thâu-ông.