Khòaⁿ góa ê thé-keh si̍t-chāi seⁿ-chò chin-súi, 看我ê體格實在生做真súi Thiaⁿ góa ê miâ ná-ē chiah-ni̍h pháiⁿ-thiaⁿ, 聽我ê名ná會chiah-ni̍h歹聽 Lóng-sī in-ūi hèng-chia̍h báng-thâng, Lóng是因為興食蚊蟲， Chó͘-sian chiah kà gún tiàm gû-sái-tui thó-chia̍h, 祖先才教阮tiàm牛屎堆討食， Soah hō͘-lâng hō-chò chit-khoán miâ. 煞hō͘人號做chit款名。 Ūi-tio̍h seng-oa̍h, su-iàu poe koh su-iàu gâu-cháu, 為tio̍h生活，需要飛koh需要gâu走， Gún chia̍h báng-thâng, tùi lín jîn-lūi lâi-kóng, 阮食蚊蟲，對lín人類來講， Sī chi̍t chiah hó-chiáu. 是一隻好鳥。 Gû-sái chiáu-á(牛屎鳥á）; 鶺鴒（chit -lêng); Wagtails. Gû-sái chiáu-á(牛屎鳥á）生活tī草原、溪埔，tī牛屎堆內chhōe蠓á、胡蠅，抑是in-ê幼蟲（蛆）食，m̄-chiah hō͘人號做牛屎鳥á，雖然無好聽，m̄-kuh chiâⁿ有鄉土味。 Tī台灣猶有灰鶺鴒kap黃鶺鴒兩種，lóng是普遍ê冬候鳥，tī開闊ê田園、溪埔á、塚á埔、pò岸（壩岸、溪岸）活動，tī水濱chhōe食，看tio̍h飛蟲隨時起飛thóng食，飛行姿勢sêng波浪形，tī地面奔走chiâⁿ緊，停睏時尾會sìm--一下sìm--一下，真kó͘-chui。
|
|
|
轉寄