《賴永祥講書》

| | || 轉寄

《教會史話》(1_100)指向台灣府城

Tī台灣開拓傳道,伊ê基站應該ài設tī toh?英國長老教會選定台灣ê府城(台南)作目標,是有充分理由ê。

同治年間台灣猶koh是屬福建省。Tī省ê下kha設有「台夏兵備道」,每半年交替調駐台灣、廈門兩地。伊ê任務除了任道台外,兼任按察使佼(司法)kap學政使(科學、教 育),並協同台灣總兵處理軍務。Tī道台之下,有台灣知府,管轄ê台澎政務,府下有縣,設知縣。Tī軍事系統頂面,台灣總兵管轄全台治安,tī府治另設海防同治,全台分作幾ê管區,下kha chiah koh分汛塘,一層一層按呢。府城是全台ê中心,道台、知府、台灣知縣(府治外廓成一縣),台灣總兵,海防同知攏tī府城。

府城亦是當時全境尚大ê市鎮,有士、有商、有兵勇、有無賴、有乞丐,各種行業攏會凍看著。有城垣圍起來,周圍著有「二千五百二十丈」,規模真大,是全台之冠。城內有衙門、考棚、鴻指園、孔廟、關帝廟、府城隍廟、赤崁樓……氣派十足。府治分四大坊(東安、寧南、鎮北、西定),大街小巷,通往各城門(有八門),是生利人賣物件ê通道,城廓兵駐守。大西門是涌外口安平之關,內外街市攏真繁榮,商夏連簷櫛比,商民挑夫接踵,街路雖然真狹,m̄-koh5p 鬧熱。

安平tī府西,有一ê大潮渠通對chia來,小船竹筏積載貨物tī chia來來往往。海口一帶大部分是沙洲,大船bōe凍入來,若是輪船著愛停tī港口,che是伊ê缺點,m̄-koh港由條約開埠而且是府口,外國船隻來往不絕,貿易額tī改隸日本以前,一直淡水比、打狗、雞籠三口khah chē。1864年5月安平設新關。

1865年5月馬雅各醫生來到台灣ê時,打狗已經有真chē間洋行,天利行(MacPhail & Co.)是其中之一,由James W. MacPhail所主持。登陸3 kang了後,in用kiâⁿ e來到府城,就住tī天利行分行行東Neil MacPhail ê厝,tī大西門外北勢街(今神農街)。著隨出去找房屋beh租,m̄-koh tī城內攏chhōe無,最後靠海關吏馬威廉(William Maxwell)ê好意,頂租大西門外看西街(今仁愛街)ê一間厝,猶koh bē bái,就決定六月16日正式設醫館開始傳教a。

在此順續提必麒麟(William A.Pickering)ê動向。必氏隨馬威廉來台,1863年任打狗關檢查員,1865年被派駐安平分關,本來tī 1867年受聘主持天利行府城分行ê業務(Pioneering in Formosa. Chapter I.)。後來天利行改組kap怡和洋行相合(Elles & Co.),怡和洋行tī鹿港買ê樟腦去hông沒收,正是1868年樟腦糾紛ê起端。

《台灣教會公報》 1985期 主後1990年3月18日