《趁iau2日时》

 | | | 转寄

生来就瞎眼ê人――分享心灵ê经验

作者 林俊育 2008.05.04

原作：LAWRENCE GILLICK

引言
约翰福音第九章，门徒看见一个瞎眼人，问耶稣一个hō͘人tio̍h惊ê问题：「老师，chit种人生来就瞎眼，是谁犯了罪？是chit种人neh？是伊父母neh？」in kah-ná将瞎眼kap犯罪划成等号，至少in kā瞎眼看做犯罪ê惩罚。In beh寻求一个合理ê解释，为何运命án-ne凄惨ê瞎眼人会来拜访耶稣。

本身是一个瞎眼人，我听tio̍h内心问tio̍h kap hiah-ê门徒类似ê问题。虽然m̄是生来就瞎眼，但我八岁ê时chūn收tio̍h chit份「惊人ê礼物」。失明了后，我求人为我祈祷，mā一再chhōe医生为我检查；mā lim过法国罗得教堂圣水、殉教者遗物kap圣哲ê祝福，但今年四十四岁ê我，犹原失明。Tī神ê恩典眷顾下，我对家己瞎眼ê认命或不认命，犹原听tio̍h真chē问题；chiah-ê问题来得真紧，答案却姗姗来迟，但最后，lóng是会有答案，我谨记录一kóa来kap读者分享。

最近我到南答科塔州ê贝兰国家公园旅游，二位伴游无久就bē-sái继续为我解说大自然ê美丽，mā无法度描述岩石、山坡kap峡谷ê长相。我常tú-tio̍h chit种现象，朋友尽力beh替我描述山ê颜色、舞姿ê优美kap篮球选手惊人ê敏捷力，in无法度用言语形容ê挫折感，hō͘ in无奈地讲：「总感觉无解说完全而有遗漏些什么。」

Tī我写作ê时chūn，想beh描述瞎眼ê经验而辞不达意时，mā常会有挫折感。当你闭上目睭而想像是一个瞎眼，你一定会有所惊惶，既hō͘是目nih-á ê乌暗，一听tio̍h电话铃响，一定会马上phah开目睭去the̍h听筒。Ná亲像我ê朋友无法度对我解说贝兰公园ê美景，我mā bōe-sái hō͘你了解我拥有「惊人ê礼物」ê经验。我当然bē晓做chit种不可能ê试探，反tńg来，我boeh写些kap你家己ê经验koh-khah接近而有帮助ê物件。我boeh写关于咱一般心灵瞎眼ê状况，kap我肉体瞎眼所教我如何接受神赐hō͘阮ê乌暗是一般性ê恩赐。

有时chūn我mā体验到hiah-ê人避免kap我接触，感觉in惊惶kap我太接近，会遭受tio̍h我瞎眼ê诅咒仝款。In当然惊惶侮辱到我而迅速tùi我ê身边行过，但in mā错过反应in家己mā是瞎眼ê机会。

瞎眼hō͘我koh-khah无法度避免面对失明hō͘阮ê折磨kap祝福，我一直teh挣扎，但每工jú陷jú深，boeh逃避mā真难。当我顺服地接受瞎眼ê事实，就感觉jú来jú平安，mā无koh因抗拒而受tio̍h挫折。

约翰福音第九章，耶稣回答门徒讲：「mā m̄是chit种人犯了罪，mā m̄是伊父母犯了罪，是beh tī伊ê身上显出神ê作为。」耶稣对门徒讲话，mā等于对咱解释关于阮家己瞎眼ê事。耶稣koh-khah对hiah-ê难缠ê犹太人清楚地解释讲：「我为审判到这世起来，叫bōe-sái看见ê，ē-tàng看见；ē-tàng看见ê，颠倒瞎了眼。」［约翰福音九章39节］。耶稣教咱ài面对咱ê瞎眼事实，就ē-tàng kā事实看kah koh-khah深入，对日常生活中ê每件事lóng有神ê爱，「phah开心门」ê神迹会koh-khah了解。这mā就是所谓ê属灵生活：tī咱人类ê软弱本性中时常祈祷，hō͘咱慢慢进入闪亮ê生命之光。这是一个过程，而m̄是万灵丹，是beh tī看bē清楚ê情况下诚实地生活。

瞎眼ê不安全感

咱常用「看tio̍h」chit-ê字来表示知影ê意思，譬如英语对话中常讲：「我看tio̍h」kap「我知影」，「你看tio̍h我ê意思mah？」kap「你知影我ê意思mah？」，二种讲法boeh表达ê意义仝款。咱对「m̄知影」kap「看bē-tio̍h」lóng会感觉不安，瞎眼对想知影ê需求真强烈。咱kap耶稣ê使徒多马犯仝款ê毛病，就是beh肉眼看tio̍h chiah肯相信，耶稣鼓励咱ài相信神ê大能。约翰福音二十章29节，耶稣对多马讲：「你因看tio̍h我chiah相信，那无看见就相信ê，有福了。」

历经三十六年ê失明，当我tú-tio̍h生疏kap hō͘人混淆ê环境，iáu是感觉非常惊惶。几年前去韩国主领退修会ê时chūn，我iáu会记得第一工早起对窗外吵杂声ê惊惶感。耶稣会ê宿舍tī山坡顶上，我ē-tàng听tio̍h汉城市中心传来卡车、公共汽车kap计程车ê喧嚣，我一生中常听tio̍h chit种类似ê声音，he是混乱而吵杂ê声音，常会引诱阮去探索，或是警告阮留tī原来已确定是安全ê所在。我已学会晓如何面对惊惶，对chit种引诱ê反应，是离开安全ê山坡顶，行入如汉城市中心ê骚动喧嚣地方。Tī chit种ê吵杂而hō͘人眼花撩乱ê骚动中，我学会晓去看；如果咱kan-ta会逃避不安全，那kap瞎眼无什么无仝？咱mā就m̄敢行向恐怖ê水池了。

我遇过真chē人因肉体失明而悲伤，但我认bat koh-khah chē人因失明bōe-sái求知kap惊惶乌暗ê不安全感而郁卒。In惊惶人际关系、结婚kap选择职业，因为in bē明白神为in phah开ê另外一扇门。真讽刺ê是，in对清楚明了ê需求却变成一种瞎眼人自暴自弃ê形态。视觉清楚ê代价chiah-ni̍h高，m̄-koh tī属灵生活中，he是tī无神关照下ê一种防卫姿态。属灵生活m̄是一种「看热闹ê运动」，m̄是只观看别人生活tī神ê关照下，却是一个人生ê旅程，必须一步一步地奋斗，行出被保护ê温室。如果咱生活只为防卫家己而m̄去面对乌暗，ná亲像tī梦幻中，对神之爱ê体验只是一个虚无缥缈ê幻想。

英国诗人约翰・济慈写过关于人生品质ê诗，诗中一个成就辉煌ê人，伊kā伊称做「负面ê能力」。当tú-tio̍h无确定、迷思kap质疑ê时chūn，chit种能力就会出现，tī弄清楚事实而知影原因了后，mā就bē晓koh再激怒。

Tī属灵生活中有成长ê人，对m̄知影kap无看tio̍h ê迷思，绝对bē激怒而处之泰然，信心十足地向前迈进。生来就瞎眼ê人向耶稣要求ē-tàng看tio̍h，伊回答讲：「行！去西罗亚池洗你ê目睭。」［约翰福音九章7节］，耶稣并无hō͘伊直接保证伊ē-tàng看tio̍h，伊必须相信。如果伊有信心ē-tàng看见，hit种信心就会改造伊ê肉体。Kám-ē-tàng看见，全靠伊对耶稣医治伊乌暗迷思ê信心。

失明是件惊人ê礼物，但「向前行」就会有美妙ê成长。我学会晓koh-khah自然tek行向所谓ê「西罗亚池」，不时tī「奉差遣」，荣耀神tī我生命中ê应允，我充满信心。耶稣叫hit-ê人去洗目睭，伊tńg来就变成ē-tàng看见。身为瞎眼人，我常被差遣到各种乌暗裏，当然mā免不了颠簸kap创伤，但我tńg来了后变成ē-tàng看见，我相信我看tio̍h。我tùi失明中学习到，面对乌暗ê不安全感是我属灵生命ê第一件要务。

选择kap接纳

犹太人ê领袖们，看tio̍h chit位生来瞎眼ê人寻求看见kap家己ê安全感，耶稣坚持ài in放弃严格ê律法主义，叫in进入真正宗教属灵核心ê不安全感。约翰福音第九章中讨论到，chiah-ê领袖们kap瞎眼人ê父母争论，然后koh kap瞎眼人争辩，想beh抹消神迹ê事实。咱ài注意实际上瞎眼人无去chhōe耶稣，却是耶稣二次来chhōe瞎眼人。

明眼人teh chhōe白贼，而真理之神却来chhōe瞎眼人；心眼瞎了ê领袖们需要安全感，所以bōe-sái接受真光ê恩典。瞎眼人无想beh陷入宗教ê辩论，伊只知影家己以前是瞎眼，而现在已ē-tàng看见。［约翰福音九章25节］

我家己ê失明赐hō͘我第二个属灵ê礼物是接纳，有ê时chūn接纳是件siōng痛苦ê事。Tī宴会或是大型ê聚会上，我无法度自行选择boeh kap谁谈话，或是kui-ê暗时boeh kap谁坐作伙。我bōe-sái对一个人讲：「失礼，我boeh chhōe一位多年无见ê朋友。」然后就走。当然，我m̄是讲我常常lóng真开朗，而对神遣来见我ê人lóng存感激之心，但当我听tio̍h神邀我接受伊ê礼物，就会欢笑而欣然接纳。

选择是有权ê主管kap富人ê特权，基督徒ê灵性基础是「属灵ê接纳」，he是一种心灵ê sàn-chhiah，hō͘阮掏空心灵来接纳kap感恩。我bat tī某一kóa奇妙ê境遇中，操练感激ê美德；kúi-nā-pái tú-tio̍h醉汉帮我过街，大多是到了对街了后iáu想继续帮忙。有一pái tī多伦多，我khiā在地下铁ê月台顶，火车靠站后车门phah开时，二个人过来掠tiâu我ê手臂，kā我往车上拉，人挤而吵杂，二个人lóng听bē-tio̍h我ê抗议，接纳是件无容易ê美德。

Tī siōng单纯ê tāi-chì上，我发现神ài我改变状况是件苛求。我无欢喜任何煮法ê蛋，去朋友ê厝作客时，不时tī沙拉中食到大块小块ê蛋，有时chūn甚至m̄知影家己tī食什么。Tī我去访问韩国ê期间，我ê旅伴会望tio̍h我讲：「我是看tio̍h了，但无法度kā xx讲你he是什么物件。」买衫裤ê时chūn，我必须靠朋友为我挑选，大多是chhōe仝一个人陪我去，án-ne我ê衣饰chiah ē-tàng维持无变。

印度诗人泰戈尔写讲：「神来，神来，神bat来到咱中间。」身为基督徒，咱被要求接纳伊ê来临，不管以什么形式来到咱ê中间。限tī咱先入为主ê积习，有种thang悲ê失明，就是看bē-tio̍h神tī咱中间。肤色kap发型，有形或是无形，chiah-ê真明显地包装tio̍h神，但神来是ài咱去掉包装，接纳真实ê神。耶稣叫咱tú-tio̍h siōng微小ê 兄弟姊妹时，ài-beh看顾伊，hō͘伊衫裤穿，hō͘伊厝tòa。［马太福音二十五章40节］。
英国耶稣会ê贺普金斯tī伊ê诗中写道：

基督四界lóng有行迹，
四肢无súi，目睭不súi，
以人ê面孔仰望父神。

失明chit-ê「惊人ê礼物」并无完全改变我对自由kap选择奢侈ê欲望，我犹原有家己ê偏好，家己ê期待，而且是紧掠不放。但当我学会晓koh-khah接纳神ê同在kap帮助了后，我知影神ê爱hō͘我得tio̍h siōng适当ê安排。虽然我伸手要求欲望kap期待，我学会晓不将我ê手摆tī预设ê所在，却是不做自我决定ê选择，随时准备去接纳神ê降临。

生来就瞎眼ê人，虽然肉体看bē-tio̍h，伊却得tio̍h信仰ê光，而hiah-ê固执ê法利赛人颠倒失写phoe去仰ê机会。生来就瞎眼ê人接纳本身失明ê事实，而法利赛人却陷入选择ê争论中。Tī属灵ê生活中，siōng重要ê是欲望而m̄是需求，是ǹg望而m̄是期待。我接纳失明ê事实，但koh tùi信仰中得tio̍h看见，对神ê降临kap神带hō͘我ê物件，我lóng存感恩ê心。

依赖kap独立

我tī生活中体验到，坚持「我ē-tàng家己做」kap「请你帮我忙」ê hō͘步之间有紧张ê关系。当我试探做siuⁿ-chē、努力beh证明我ê正常、想beh表现不实际ê英雄kap不接受我ê能力有限ê时chūn，我会真容易惊惶起来。我mā惊惶太依赖别人、造成别人ê负担、不做家己分内ê事、利用我ê失明来占别人ê 便宜 kap表现出pîn-tōaⁿ ê款。
约翰福音中ê瞎眼人有三种人格，伊被村人看做是生来就瞎眼ê乞丐，伊依赖父母扶养，伊mā自认是犹太宗教社区ê一员。

耶稣进入chit-ê瞎眼人ê生命中，伊tùi án-ne得tio̍h医治，mā hō͘伊超越那三种依赖ê人格。约翰福音第九章8节，村人互相质疑chit-ê人到底是谁，伊原本是全村人lóng bat ê瞎眼乞丐，现在却hō͘大家混淆不清。

瞎眼人ê父母现在认为不需要为chit-ê gín-á负责了，in讲：「伊已经成人了，lín问伊pah！」［约翰福音九章23节］，其实in家己惊惶丧失tī犹太教会堂中ê地位。接受神ê光了后，瞎眼人就tùi伊ê家庭独立出来。

第三十四节中，瞎眼人终其尾得tio̍h siōng基本ê自由，恢复明眼了后，伊被赶出犹太教会堂，脱离久长以来ê宗教传统束缚。续落来ê章节记述，耶稣去chhōe那瞎眼人，并hō͘伊新ê人格、新ê认同、新ê宗教óa靠。信神kap m̄信，明眼kap瞎眼，是这故事ê紧张关键。明眼ē-tàng看见ê自由，解放chit-ê原来是瞎眼人ê信仰。

几年前我举办一个三十工ê退修会，用chit-ê故事做主题。我尽力表现我是óa靠神，并接纳神为我安排来帮助我ê每一个人。退修会了后一个礼拜，我被分派去麻州总病院当心理协谈员，主管对我ê第一个指示是：「现在开始，你tī chit-ê病院必须学习ê第一件事，就是beh完全独立行动。」我深知真难期待完全解决正确ê独立kap感恩ê óa靠之间ê紧张关系，chit种紧张关系是无法度避免ê。我知影求人帮助是神赐hō͘我ê恩典，mā是值得hit-ê人感恩ê。我mā知影骄傲会阻止我去求人帮忙，这是不断ê挣扎。我m̄知影什么时chūn chiah ē-tàng自然轻易地求别人帮忙，koh-khah m̄知tang时chiah ē-tàng达到不hō͘人讨厌ê地步。当我行上街头，甚至不感觉家己是靠盲杖探路，有时chūn koh-khah感觉盲杖是一种投降kap战败而oh得容忍ê标志。

只ē-tàng tī接受失明ê事实了后，我chiah感觉hit种紧张ê释放，家己chiah ē-tàng tī无人帮助ê情况下做tāi-chì，mā m̄免怀疑家己太依赖别人。我是一个瞎眼人，渐渐接受chit-ê事实，就会用感激ê心来接受别人ê帮助，mā hō͘对方知影我ê感恩，最后就/bē koh再埋怨「惊人ê礼物」了。

起初我会对明眼人ē-tàng自由自在地独来独往感觉不平，in ē-tàng开车去商店，去拜访朋友，甚至ē-tàng做真美好ê慈善工作。对hiah-ê the̍h起册来就ē-tàng真紧读ê人，我mā会感觉嫉妒ê愤怒。我承认boeh进入图书馆是件食力而讨厌ê事，因为我无法度读hiah-ni̍h chē册。但是，我明确知影一kóa明眼ê朋友，tī某一kóa范畴裏mā是有依赖性ê，in mā有力不tùi心kap能力有限ê经验。我发现在自我建立独立kap实际依赖之间ê挣扎是全面性ê，人lóng有之。我ê朋友会开车，in可能mā想beh开飞机；hiah-ê the̍h地图to̍h是thang浏览世界ê人，mā有去探索外星球ê欲望。Chit种人类智ē-tàng ê有限性，证实咱iáu tio̍h真正óa靠神ê智慧kap大能。

Óa靠ê khah痛苦现象之一是ài有耐心，因为我ê时间必须配合别人ê时间。约翰・密尔敦tī伊有名ê诗「瞎眼」ê最后一段讲：「in mā服务那khiā-teh等待ê人。」当然，我就是一个khiā-teh等待ê人。
我常boeh等待别人来为我读信，伊既然来了，mā iáu tio̍h等伊先看一遍koh再读hō͘我听。我bōe-sái对来帮我忙ê人受气，却对我必须依赖别人而缺乏耐性真难释怀。过马路ê时chūn，我不但beh等所有ê车lóng过去真远，iáu-beh确定后面iáu有无车koh来。M̄-koh，m̄-nā是瞎眼人必须kap耐性搏斗，明眼人、聋人kap跛脚人lóng非kap chit-ê魔鬼摔跤bē-tàng。我对属灵生活ê探讨发生兴趣了后，koh-khah能了解我摔跤对象ê「瞎眼」，mā是基督徒朋友kap其他各色各种ê人日常生活中所常面对ê。我ài面对ê瞎眼常会有耐性不足之魔鬼缠身，boeh了解旧约圣经耶利米哀歌三章26节「咱应该àⁿ头顺服，mā可能iáu有希望」是件无容易ê事。

我常会按耐不住而暴跳如雷冲出房间，结果脚趾踢到楼梯板，头mā撞到半开ê门。Chit时，我心中会浮现旧约圣经以赛亚册三十章18 节：「但是神iáu teh等待，伊等tio̍h施恩hō͘ lín。伊boeh怜悯lín，因为神是公义ê，信靠伊ê人会蒙祝福。」

Tī神ê恩典面前我等待，我慢慢变成一个「等待者」，无koh是一个「服务者」，等tio̍h神hō͘我恩赐，hō͘我冷静落来，神赐我能力而m̄是权柄，是鼓励而m̄是冲动。我tī对人kap对神ê无耐性争斗时，hō͘我学会晓凡事忍耐，凡事ǹg望。

真chē人chhōe我谈in ê祈祷，tī我下楼开门chìn前，in按三pái门铃，一入门就马上坐落来，kā我讲in只ē-tàng kap我谈几分钟，而大多谈讲in日常生活ê祈祷lóng是空虚而枯燥无味。Tī chit种情况下，我lóng试探安静注意听，thang hō͘ in ē-tàng直觉到in缺乏耐性。事实上，咱ê生活是互相协调ê，咱彼此之间kap神ê关系lóng是仝款ê。如果咱互相无耐性地要求对方，马上会tī咱ê人际关系中，反应出彼此冷淡无关心而hō͘不体谅，mā会tī咱kap神ê关系上表露无遗。Tī咱ê故事中，生来就瞎眼ê人无法度chhōe耶稣，但伊等待耶稣来医治伊，然后koh等待耶稣koh来显现伊就是hō͘伊肉眼恢复看kah见ê人，并赐hō͘伊机会来接受新信仰ê异象。

结论

属灵ê生活kap chit位失明人ê生活有真chē ê共同点，因为咱基督徒是面对tio̍h肉眼看bē-tio̍h ê神，只是咱故意m̄看神所创造ê世界，咱因「瞎眼」而误将所有ê物件占为己有。咱真容易kā自身看做家己ê财产，并忽视创造者ê旨意而胡为乱作；mā真容意kā安全看做咱成长siōng重要ê tāi-chì，尽量去避免任何形式ê不安全；咱mā真容易对家己拥有ê物件任做摆布，并一意孤行拒绝无想beh ài ê物件。我ê瞎眼并无hō͘我克服chiah-ê魔鬼，但每工ê接触交战hō͘我ê战力加强，mā koh-khah hō͘我产生感恩ê心。Ná亲像瞎眼仝款，属灵ê生活是一系列无止境ê转变、失败kap复活。我希望ē-tàng成做一个完全属灵生活ê人，ē-tàng做良好ê调适，时时有感恩ê瞎眼人。
［旷野月刊 68 期 1995 年 11/12 月］