《趁iau2日时》

 | | | 转寄

中译本出版ê话

作者 林俊育 2008.10.12

计画系列出版「慕光丛书」了后，我就四界chhōe khah好ê视障文学作品，而设tī波士顿西郊ê波金斯盲校研究图书馆有取之不尽ê宝藏，mā是我siōng常去ê所在。

旧年热天我去波金斯图书馆chhōe资料时，已成好友ê馆长肯・史塔基（Ken Stuckey） ài我捐款来修世界上siōng古老ê盲人教学用立体地球仪，我捐了五十美金并指定当做修「台湾」之用。馆长送我一本海伦凯勒写 ê「我ê宗教信仰」（My Religion），馆长讲chit本册是免费赠送hō͘捐款者。

我如获至宝地开卷而读，读soah to̍h是决定将chit本册列入「慕光丛书」出版计画中，tùi án-ne邀请蔡岱安女士来翻译chit本册，伊mā欣然答应chit项富有意义而有挑战性ê工作。

当我写phe向「瑞登博基金会」（Swedenborg Foundation）申请版权时，回函建议改译雷・希佛曼（Ray Silverman）所改写ê「乌暗中ê光」（Light in My Darkness），tòe函附有hit本册，我读完了后毅然决定改译chit本经过整理而易读ê新版册。我去kap「瑞登博神学院」ê乔治・杜尔博士（Dr.George Dole，瑞登博基金会ê董事）谈版权ê授权问题时，得tio̍h真亲切ê接待kap全力ê支援。经过蔡女士kap我六个月ê译校，虽然辛苦，却乐tī其中，因为tùi海伦凯勒ê宗教信仰中，我ê心灵得tio̍h重新洗涤，宗教信仰mā得tio̍h更新。

感谢圣经公会总干事赖俊明牧师百忙中为本书写序，并hō͘ in信仰文字方面ê指正。为tio̍h hō͘一般大众lóng ē-tàng接受宗教信仰对海伦凯勒ê激励作用，阮决定将英文ê “God” 译做「神」。引用ê圣经经节lóng采用「现代中文译本修订版」圣经，其中ê「上帝」kap「上主」维持无变，以尊重联合圣经公会ê权威。 Tú亲像赖牧师所讲ê，hō͘ chit本册来开启台湾人ê「心灵目睭」，重建台湾人ê心灵。愿阮出版chit本册ê辛劳化做温馨而丰硕ê果实，抚慰心灵有残障ê人，阮就无白做工了。