《趁iau2日时》

 | | | 转寄

教会kap盲人事工

作者 林俊育 2008.04.20

前言
「新ê诫命」chit-má太福音二十二章39节：「你tio̍h爱邻人，如爱家己」，这是基督徒lóng熟练ê经节，但真少人ē-tàng以行动表现出来，koh-khah m̄知影圣经上所讲ê「邻人」就是tī咱周边siōng需要关怀kap帮助ê弱势团体 ，而盲人又koh是弱势中ê弱势。若用眼罩盖tòa目睭去生活一工，你一定会体会出；koh-khah àn怎to看bē-tio̍h世界ê盲人是何等需要关怀kap鼓励ê「邻人」。

约翰福音第九章中耶稣讲：青瞑ê m̄是伊或伊ê父母有罪，却是上帝ài tī伊ê身上显明伊ê作为。视障朋友虽然肉眼看bē-tio̍h，心灵ê目睭却是明亮ê，其他ê潜能koh-khah是丰富，只要咱伸出关怀kap鼓励ê手，in ê成就bē输hō͘明眼人，tī某一kóa方面koh-khah赢一坎，海伦凯勒kap双连教会西罗亚合唱团便是真好ê例。


台湾教会盲人事工ê发轫
1991年底，我有机会到赖永祥长老府上作客，伊将伊ê着作「教会史话」hō͘我看。我掀开一看，tú好是第211页ê「盲人事工ê发轫」，当时正为双连教会盲朋友联谊会忙得bē-tàng开交ê我，有一种怎样án-ne凑巧ê感觉。Chit段有关台湾长老教会盲人事工ê记事，hō͘我真大ê鼓励。

圣经tùi旧约开始就有关于盲人ê记载，新约koh-khah有耶稣医好chheⁿ-mê ê神 迹。台湾盲人教育ê开拓者是英国长老教会宣教师甘为霖牧师 (Rev. William Campbell)，大约tī一八八二年to̍h开始，据伊估计当时台湾kap闽南地区，大约有二万五千个盲人，其中台湾就有一万七千人。甘牧师十分同情盲人，伊认为教育thang改善in ê悲惨处境，所以，决心致力tī盲人教育事工。伊大约tī一八八五年就准备好厦门音罗马字净凸活字，但beh制作一本圣经需六十二本巨册，成本mā真高。后来；伊改用波金斯点 字(Perkins Braille)，只需四十九册，而费用折半。Tùi传教ê观点来讲，有盲人用册to̍h是thang启开盲人接近福音书而进得救之门，对盲人ê福祉来讲，消除文盲，知识之门mā开了。

甘为霖牧师tī一八八九年开始展开创设盲校ê事工，tī府城(台南)洪公祠设立训瞽堂盲校，这是台湾盲人特殊教育ê先驱，mā启开台湾基督长老教会ê盲人事工。


双连教会ê盲人事工
双连教会tī 1988年成立超教会ê盲朋友联谊会。Tī未成立ê当时，我任服务委员会主委，看tio̍h主日崇拜中有二､三位盲朋友独来独往，只有真少数ê会友kap in phah招呼，我感觉十分gông-gia̍h。据陈溪圳牧讲，tī双连老教堂ê时期，每周有二､三十位盲朋友来参加礼拜，为何教会改建十一层大楼后，hiah-ê盲朋友渐渐离开了双连教会?

当时服务委员会大多做些对会友ê服务，其实会友来教会lóng想服事别人，何需服务委员会来服务neh?我tī一pái清早整理庭院独处时，kah-ná有tùi天起来ê信息kā我讲 - - 应该tùi服务目前教会内ê盲人会友开始，帮in筹组盲朋友联谊会，hō͘ in选出干部来计画in家己喜爱ê活动，由服务委员会发动会友来接触in､关怀in､帮助in，共同为弱势团体创造一个公平ê无障碍环境。有了chit-ê构想，服务委员会就开始同卓忠辉牧师kap教会干事主任蔡芳文长老去探访常来教会ê盲朋友，koh再由in绍介或同齐去探访koh-khah chē ê盲朋友，tùi探访中知影in来过双连教会，但每pái坐上椅子；就发现原来坐tī同条椅á顶ê会友；马上离开到别条ê椅子去坐，礼拜完后，mā无会友向in phah招呼，in感觉双连教会一年四季lóng真冷。我询问in有关筹组盲朋友联谊会ê意见，一拍to̍h是合，真紧to̍h进行筹备并订定章程､选举干部､正式成立联谊会。

服务委员会向长执会提案得tio̍h多数通过，第一pái举办阳明山郊游，一百gōa位盲朋友kap三十几位义工参加，大家lóng感觉真有意义。盲朋友庆祝圣诞节大会koh-khah有四百gōa人参加，in家己安排节目；家己表演，热闹滚滚，为in服务ê义工无不感动万分。尤其是一kóa kah意唱歌ê盲朋友自组一个合唱团，受tio̍h全体会友ê肯定，这是西罗亚合唱团ê开始。

西罗亚合唱团tī李凤珠老师认真而有耐心ê指导下，每位团员koh-khah无辞in夜间按摩工作ê辛劳，每礼拜一kap礼拜五；上午十点到十二点lóng到教会来练歌，in tī教会献诗，mā应邀到各地教会诗歌见证kap学校或机关团体去演唱。In事奉主ê热情koh-khah hō͘ in tī一九九一年起成做诗歌布道团，达到以「西罗亚」 (奉差遣) 为团名ê使命。

盲朋友联谊会mā家己成立查经班，集合各教派ê基督徒，每周六上午十点到十二点聚会，平均lóng有二十几人参加。Iáu有每二周一pái ê家庭小组聚会；mā lóng有二、三十人参加。每周ê主日崇拜mā tùi二、三人增加到一、二十人，in追求信仰ê热心，会hō͘真chē明眼人感觉惭愧，我个人mā tùi in中间学tio̍h真chē。

期待
Tùi双连教会盲人事工ê例ē-tàng看出，教会ē-tàng，mā应该扮演关怀盲人ê先驱者角色，进一步koh关怀其他残障人士，来实践上帝ê爱。

双连教会盲朋友联谊会有一个目标，希望邀请有所感动ê教会，tī其所在地区筹组盲朋友联谊会，鼓舞全体会友来关怀盲人事工。一九九○年ê圣诞节，台中市美村教会 (盲人石贤哲牧师) tī chit种模式下成立盲朋友联谊会。今年八月，新竹教会邀请西罗亚诗班举行布道会，以盲人为主要对象，效果真好，牧师长执mā讲beh发动夫妇团契来关怀盲人事工。

西罗亚诗班计画今年kap伊甸残障福音中心，共同举办全岛六场以百万残障人士为主要对象ê福音布道大会，配合二○○○年福音运动，透过各地教会ê协办来宣导对残障人士ê福音关怀，希望也ē-tàng唤起全岛ê教会来关心残障福利事工，秉tio̍h「上帝是爱」ê崇高信仰，hō͘阮/咱同齐来为主作好ê见证，荣神益人。

［台湾教会公报 2136 期，1993.2.7］