《趁iau2日时》

 | | | 转寄

信仰ê实践

作者 林俊育 2008.04.13

1968年前服完预官役，chhōe-tio̍h一份bē-bái ê职业，身为长男ê我，正欣慰thang thàn钱来分担家父ê经济重担，家父煞为六个子女ê学费劳thiám过度来过身，享年四十九岁。怀tio̍h悲痛ê心办完丧事，tī回台北ê火车顶，我思虑真chē人生ê问题，地方宗教形式ê家父丧礼仪式m̄是我ē-tàng接受ê，脑海浮现高中时寄宿一位基督徒同学家ê一切。像Sìⁿ-nà ê一个念头出现：我mā thang/ē-tàng成做一个基督徒。

我决定以基督徒为结婚ê对象，这是我成做基督徒ê捷径，感谢神ê安排，一切如愿。受洗一年后，被教会ê会友前后选为执事、长老、服务委员会主委kap传道委员会主委，hō͘我ê信仰kap服事同齐成长，mā hō͘我体会到实践信仰ê充实人生。

教会ê会议室挂tio̍h一幅册法匾额：「有祈祷无工作是偷lán-si，有工作无祈祷是hia-pai。」chit时时警惕我boeh kā信仰tī日常生活中实践出来，将荣耀归hō͘神。五年前我kap牧师kap一kóa有心ê同工，tī教会辅导成立超教会ê「台北市盲朋友联谊会」，提供视障朋友行出社会ê空间，并关怀in ê日常生活kap心灵上ê重建。约翰福音第九章阐述一个人ê青瞑，m̄是伊个人或伊ê父母有罪，却是神ài tī伊身上彰显伊ê大作为。这章圣经hō͘视障朋友siōng大ê安慰kap鼓舞，mā phah破了青瞑是神ê惩罚ê传统思想。

盲朋友联谊会中，几位kah意唱歌ê会友向我提议成立诗班，我鼓励in并kā/hō͘伊全力辅导，终其尾成立「西罗亚合唱团」，团名取自约翰福音第九章第七节：「西罗亚」ê意思是「奉差遣」，其实「西罗亚」是耶路撒冷城内一个池子ê名字，耶稣bat叫一位盲人到西罗亚池去洗目睭，结果医好了瞎眼。这tī盲人基督徒ê意义起来讲，肉体ê目睭虽然看bē-tio̍h，心灵ê目睭却是明亮ê，in愿被神差遣á以优美ê歌声来见证神ê大爱。

四年gōa来，chit-ê合唱团应邀到各地ê教会，学校、监狱kap机关团体去以诗歌作见证，挽回真chē迷失ê灵魂。旧年kap伊甸残障基金会ê盲人「喜乐四重唱」，合办三场「台湾百万残障同胞福音巡回布道」，透过kap宜兰、嘉义kap台中ê教会合办，唤起各教会共同来关心弱势ê残障朋友，以实践神透过圣经hō͘阮/咱ê教示：「爱你ê邻居」，hiah-ê需要帮忙ê残障朋友就是阮/咱ê邻居。Kap「西罗亚合唱团」同齐事奉，hō͘我分享到「kap神同工」ê喜乐。

最近三年常往tńg去美国ê波士顿，我有机会参加美国盲人事工研习kap考察，发现美国ê弱视者lóng戴视力辅助器以提升其视力，而台湾ê弱视者煞任其无ē-tàng为力。圣经上讲神boeh/beh/ài/tio̍h hō͘青瞑ê ē-tàng看见，我开了三年ê时间chiah摸tio̍h门路，将该辅助器引进入来台湾，每听tio̍h弱视朋友戴上辅助器大叫讲「我ē-tàng看tio̍h」，我因信仰ê实践而得tio̍h ê hit种喜乐，实在无得笔墨形容。

我因基督教ê信仰而从事盲人事工，其中受虔诚ê基督徒陈五福医师感召siōng深，而陈医师则受史怀哲博士「尊重生命」ê感召，将家己眼科病院ê收入，创办「慕光盲人重建中心」，全心投入服务盲人ê事业，chit种信仰ê实践，值得我效法kap追随，承蒙陈医师ê邀请去当「慕光中心」ê董事，今后koh-khah beh将我ê信仰实践出来，成做神所喜爱ê基督徒。
［1994.3.7北美世界日报］