《趁iau2日时》

 | | | 转寄

视障音乐家kap作曲家国际比赛

作者 林俊育 2008.08.17

视障音乐家kap作曲家国际比赛ê历史
筹组视障音乐比赛ê理念，起头是来自布拉格ê第二十五届视障青少年音乐学校周年庆，第一pái ê比赛tī 1973 年举行。因为比赛ê成功，hō͘学校会得thang koh-khah重视视障音乐，tùi一般ê艺术教育kap培训职业音乐教师两方面着手。

起初ê比赛只是学校内部ê活动，但结果产生真好ê正面效果，tùi án-ne形成鼓励扩大比赛ê计画理念。Chit-ê理念mā激起各行各业ê兴趣，后来参与kap学校合作，并扮演审查委员ê角色。
Tùi án-ne，音乐营ê组织就开始chhōe koh-khah chē ê支援，来方便举办koh-khah chē ê比赛，结果功效奇彰，视障音乐家ê新传统文化因运而生，起先只有歌唱、乐器演奏，后来mā包括作曲家比赛。 Tùi一开始，比赛ê主办单位就非常重视参赛者ê职业开发，帮助in透过音乐来开创koh-khah好ê职业生涯。

第一届国际视障音乐比赛tī 1975 年tī布拉格举行，视障青少年音乐学校ê三十位学生kap几位毕业生参加，in是国内初选得奖者，国际来ê有匈牙利、波兰kap以前ê东德。

第二届比赛tī 1978 年举行，前苏联mā派代表来参加，国际评审委员包括来自波兰、挪威kap前苏联。

第三届比赛tī三年了后举行，纳入国际残障年活动之一，mā tùi án-ne引起国外来参加ê兴趣。

第四届比赛tī 1985 年tī马连巴德（Marienbad）举行，che是第一pái tī布拉格以外ê所在举办，che是一个设tī西波希米亚ê温泉小镇，当地ê机关团体建立一个相当适合比赛ê环境。比赛分三阶段进行，参赛者有 24 位，其中七位来自国外。同时有一个西波希米亚交响乐团kap一位来自日本ê小提琴家kap波孝禧联合ê音乐会共襄盛举，hō͘ kui-ê比赛增光bē少。

第五届比赛tī 1988 年koh再tī马连巴德举行，chit-pái特别安排来庆祝布拉格ê视障青少年音乐学校四十周年纪念，chit-ê学校mā参加合办。马连巴德市政府主办，以国际音乐节ê方式进行。

1991 年继续举办第六届ê系列比赛，chit-pái ê主办单位是捷克视障者协会，che年十二月底tī马连巴德是四十年来第一pái由视障机构独立举办。

第七届比赛tī 1994 年ê二月底举行，参赛者有三十名ê歌唱家kap乐器演奏家，来自德国、英国、日本、保加利亚、波兰、立陶宛、俄罗斯、西班牙、Byelorussia、斯洛华克，当然mā有捷克共和国。

捷克视障者协会mā支持视障作曲家，in ē-tàng每三年提出新作品，往往是tī比赛ê前一年提出，该年ê白杖日是截稿ê日期（10月15日）。入选ê作品tī音乐比赛ê开幕典礼中koh再得奖ê作曲家前演出。对国际作曲家比赛ê兴趣与日具增，国外尤盛，得奖者差不多lóng是外国人，chiah-ê奖金是由捷克音乐基金会提供，六次ê作曲家比赛分别是 1978、1981、1984、1987、1990 kap 1993。