《趁iau2日时》

 | | | 转寄

国际视障音乐概况

作者 林俊育 2008.08.10

旧年韩义明来台参加关怀视障慈善音乐会时，伊送我一本「国际视障音乐教育研讨会论文选集」，内容丰富而且值得咱参考借镜ê所在真chē，tùi án-ne抽空翻译成中文，以飨国内关心视障音乐教育ê读者。虽然已翻译完成，mā经国内音乐界siōng热心音乐推展mā是本基金会ê庄副董事长秀欣ê用心校对，但距离出版iáu有一段时间，所以先将其中重点摘要如下，供大家参考。

Chit-ê研讨会是由捷克视障者协会和布拉格ê简德意音乐学院kap钢琴调音师学校合办，tī １９９４年２月２５、２６日tī布拉格举行，有比利时二人、丹麦一人、捷克十八人、法国二人、德国一人、英国一人、义大利一人、葡萄牙二人kap斯洛伐克二人ê代表参加，而西班牙有一人提出论文报告。

地主国捷克提出ê论文有：一）视障音乐教育ê特殊状况，二）简德意音乐学院kap钢琴调音师学校，三）捷克教育制度ê音乐教学，四）视障音乐ê草创时期、五）音乐对视障者生活ê意义，六）「蓝色音乐节」ê意义kap使命，七）tī简德意音乐学院三十年ê实际经验，八）音乐记忆力ê要点，九）以歌唱方法论谈视障音乐教育ê心理现象，十）简德意音乐学院毕业生对艺术基础学校ê影响，十一）简德意音乐学院kap调音师学校ê毕业生，十二）视障音乐教师ê教育问题kap主张，十三）视障音乐教师ê社会动态，十四）各类学校ê视障教师，十五）视障者tī社会地位ê认同，十六）视障者生活中ê音乐。可见捷克对视障音乐教育ê重视，其简德意音乐学院kap调音师学校专收视障学生，毕业生至少thang被安排到小学教音乐，chit种视障音乐ê大环境是全世界siōng完善ê，tī che重视音乐传统ê国家，深深了解音乐对视障者来讲是siōng无障碍ê，chit-ê学校为视障者开创了有保障ê就业空间。

Tī丹麦ê视障者iáu有真chē管风琴师，mā有一kóa音乐老师kap业余音乐家。设tī哥本哈根ê视障图书馆，是欧洲siōng重要ê点字乐谱制作机构之一。法国tī １９９３年所做ê调查，有229个视障者从事音乐相关ê职业而有真好ê收入。英国皇家盲人协会最近mā大力推动视障音乐教育，并将视障音乐家建立电脑资料库，提供特殊音乐教育、生活kap社交技能训练kap居家关怀。德国ê视障音乐家有六种型态ê职业，to̍h是教会音乐家、学校音乐老师、私人音乐教师、音乐会ê独奏者、交响乐团乐器演奏家kap流行音乐家，ē-sái讲是相当广泛。

西班牙政府规定全国乐透奖券ê收入完全当做视障者福利，ē-sái讲是世界上视障福利siōng好ê国家。一直认为西罗亚合唱团是世界上唯一ê盲人合唱团，我将西罗亚ê CD寄hō͘西班牙ê视障协会，无久mā收tio̍h in合唱团ê CD，m̄-nā水准真高，团员人数mā比西罗亚ê二十一人加出十三人。Tī协会ê推动下，视障音乐tī社会ê kap文化ê活动相当活跃，mā创造真chē视障音乐就业机会。

义大利ê论文是「视障者用电脑制作墨印乐谱」，in开发ê SCORE(TM) 套装软体，深受视障使用者ê喜爱，chit-ê软体tio̍h kap GRAPHFLT 程式加上点字视窗或合成语音系统，视障者就ē-tàng使用自如。其他如美国ê SCORE 程式，透过 MIDI 介面卡将乐器键盘连接tio̍h电脑上，盲人就thang将乐谱直接键入，但 MIDI 介面卡只提供音乐之声音ê相关资料，并无ē-tàng显示乐谱ê图形。另有两种叫做 JUST kap PAGE ê程式，ē-tàng将乐谱记号tī五线谱上重新配置，也ē-tàng tī列印chìn前自动格式化，如果加上 SPRINT 程式，koh-khah ē-tàng驱动一般ê图形列印机kap雷射列印机。我已收集chiah-ê资料，希望无久ē-tàng带tńg来国内研究，中国字是使用图形ê电脑环境，一定有一kóa电脑专家thang突破目前点字谱电脑自动转换ê瓶颈。

希望基金会tī下届ê国际研讨会mā ē-tàng派员参加，国内ê视障音乐教师或专家学者们，必须现在就开始准备论文。有兴趣ê人，thang向基金会影印chit部国际研讨会论文集ê影印本做参考，希望咱ê视障音乐ē-tàng早日国际化，分享到外国ê经验成果，创造koh-khah完善ê视障音乐大环境，hō͘视障者有教育、就业kap生活ê公平环境，che mā就是本基金会所beh努力ê大目标，愿大家同齐来努力，以期早日达成。