《趁iau2日时》

 | | | 转寄

西罗亚＝奉差遣

作者 林俊育 2008.06.15

西罗亚诗班ê成立
双连教会tī 1988年底成立全台

市盲朋友联谊会，tī几位kah意唱歌ê会员发起之下，tī 1989年2月5日正式成立诗班。为tio̍h beh以诗歌来见证上帝ê爱，为主做工，团员不辞辛劳，tī职业按摩ê工作之余，每周一kap周五ê上午十点到十二点，tī李凤珠老师ê耐心指导下，努力无放轻松地定期练唱。除了tī教会内主日崇拜中献诗o-ló上帝外，mā kúi-nā pái接受外界邀请去献唱。M̄-nā发挥所长来服事上帝，并鼓舞koh-khah chē人参与事奉，坚定in服事ê心志。

因为诗班渐渐茁壮，对外演出mā日渐增多，大家便开始脑力激荡来为chit-ê诗班命名。最后由卓忠辉牧师tī 1989年9月10日ê主日讲道中，以新约圣经约翰福音第九章「耶稣治好生落来就瞎眼ê人」ê故事，来阐明瞎眼kap伊家己或伊父母ê罪lóng无关系，而是beh tī「瞎而不残」ê人身上彰显神ê能力。耶稣讲：「我是世上ê光」，便用唾沫kap tio̍h泥巴抹tī chheⁿ-mê ê目睭上，叫伊去「西罗亚」池子洗目睭，［「西罗亚」ê意思是「奉差遣」)，结果医好了伊ê瞎眼。Chit段经节siōng ē-tàng鼓舞瞎眼ê人了解神ê旨意而koh-khah乐观地koh再khiā起来，in ê肉眼虽然看bē-tio̍h，心眼却是明亮ê，所以愿被神差遣，以优美ê诗歌来事奉神。诗班团员听了卓牧师ê信息后深受感动kap激励，并正式将诗班取名为「西罗亚诗班」，对教会外则称「西罗亚合唱团」。

诗班成立到taⁿ，团员m̄-nā看见教会内服事ê重要，mā看见自立kap造福人群ê意义重大，愿为社会上各种慈善事工而一唱koh再唱，唱出自信，唱出爱心，koh-khah愿藉此行入社会，成做有贡献ê一阵，并谱下璀璨ê人生，来荣神益人。


行出教会ê事奉
西罗亚诗班tī 1990年3月25日应邀到台北市ê大稻埕教会主日崇拜中献诗，会后一位陈德容兄弟来kā我讲伊真受感动，并讲伊boeh建议李登辉总统就职典礼时邀请西罗亚合唱团去献诗。过无几工，我收tio̍h陈兄弟写hō͘李总统ê英文信影本,大意是讲:「由衷地恭喜您当选中华民国第八任总统。Chit-ê礼拜日，我到长老教会礼拜，有机会欣赏由二十位男女瞎眼人组成ê西罗亚诗班献诗，那美妙ê歌声叫我感动得忍bē-tiâu目屎流，感谢神犹原照顾hiah-ê比咱iáu不幸ê人。因此，我大胆地建议您考虑邀请in tī您五月ê就职典礼中献诗，我想hit工观礼ê hiah-ê人一定会感激您对hiah-ê『至微小ê人』ê仁慈，耶稣mā是án-ne教示使徒们去爱hiah-ê『至微小ê人』。」虽然西罗亚诗班无受邀去总统就职典礼献唱，陈兄弟对西罗亚诗班ê认同kap爱ê行动，真叫阮佩服。

1990年中，西罗亚诗班iáu到台北市ê第一教会kap义光教会献诗，tùi会友当场为西罗亚诗班事工ê奉献金额，thang看出会友受感动ê程度，iáu有值得一提ê是，12月24日应台北市政府庆祝行宪纪念日之邀请，前往国父纪念馆演唱，唱台湾名谣koh唱圣诗，最后黄大洲市长上台请全体观众起立合唱「平安夜」，场面非常动人。为主做好见证.了后，有国中ê校长khà电话来讲，伊tī国父纪念馆听西罗亚合唱团演唱，感觉in ê演唱kap见证一定ē-tàng唤起堕落ê国中生向上重生。双连教会为tio̍h这事工而填购一套新台币三十六万元ê舞台音响，tī从事特殊教育ê黄瑞珍会友ê安排下，今年五月十日西罗亚合唱团tī新兴国中对全体学生作诗歌见证，chit项对国中生ê心灵拯救是西罗亚诗班今后boeh继续做ê事工。


诗歌布道团ê成立
1991年5月12日，基隆正滨教会庆祝母亲节并举办渔村社区布道会，邀请西罗亚诗班全场诗歌见证布道，这是第一pái ê全场演出，大家战战兢兢地排练，尤其是被老师指定ê二位个人信仰见证koh-khah勤练。正式演出时，个个有板有眼，那优美扣人心弦ê诗歌，敲开了每一个人ê心门，个人见证虽然手持麦克风一再无停地pi̍h-pi̍h-chhoah，但那句句由衷ê信仰心路历程，phah动了每一个人ê心头。最后由诗班带头唱「主tī叫我」(由台湾民谣「黄昏ê故乡」改编歌词)第一节，然后全体起立合唱第二节时，周围受感动而目屎流落ê泣声，叫我mā忍bē-tiâu潸然目屎流落。最后ê掌声不绝tī耳，正滨教会杨清吉牧师kap长执会友ê o-ló声，催迫我禁不住对团员讲：「咱ē-tàng成做布道团了！」团员齐声回应讲：「是ah！」感谢主！西罗亚诗歌布道团就án-ne踏上koh-khah进一步「奉差遣」ê路程。

了后，西罗亚诗歌布道团陆续应邀到淡水教会、基隆教会、中坡教会、台北城东教会、屏东民kap教会、艋舺教会、台北古亭教会、台北中山教会、新竹教会、土城教会、台南后甲教会、台北城光教会、台中磐顶教会、马偕病院员工礼拜、淡江中学tòa校生聚会、史怀哲之友会、国际基督教tùi业人员协会亚太区年、星中妇女会四周年庆kap「2000年福音运动之星中北中联合布道会」去作诗歌见证，深受主办单位kap听众ê欢迎。

1991年12月8、9日，西罗亚合唱团配合韩国巴底买盲人宣教团赴台南二所监狱对受刑人诗歌见证，其中台南监狱ê受刑人李世一先生tī伊发表tī中国时报ê「重生」文章中讲：「会记得有次是双连教会盲人合唱团ê演唱，见in手牵手，和悦ê行向舞台，hit种残而不废ê坚定意念，到taⁿ感佩犹深，尤其是in透过哀怨婉转ê歌声，m̄-nā细诉坎坷岁月，kah-ná mā唱出我内心痛楚ê沧桑，当场忍bē-tiâu烧热ê目屎涔涔流落。真正ê歌声诚如真理ê福音，虽然已经是板尽时，到taⁿ iáu tī我心深处缭绕。」当我kā chit篇文章念hō͘西罗亚合唱团员听了，in就决定ài kā监狱作为福音布道ê对象。了后，去过明德外役监狱，听众热烈ê掌声证明了盲人ê诗歌kap见证，深深地phah动受刑人ê心。


「以爱化解碍」巡回布道会
西罗亚诗班基于「压伤ê芦苇，伊不折断。将残ê灯火，伊不熄灭。」今年起kap伊甸残障福音中心合办á以台湾百万残障同胞为对象ê福音布道会，主题是「以爱化解碍」，邀请各地区ê教会来协办，希望ē-tàng达到三个目标：
1)盼教会：ē-tàng有残障福音ê异象，支持残障福音kap关怀ê事工。
2)盼社会：ē-tàng以爱化解碍，有道是：落地成兄弟，何必骨肉亲，一粒温暖ê心，ē-tàng化解人间真chē不幸。
3)盼残友：ē-tàng跨出生命ê樊笼，tam-tio̍h主恩ê滋味，进一步koh肯定自我，积极向上， 活出有意义而有价值ê人生。

第一场布道会已tī今年三月六、七日tī宜兰地区举办，参与ê教会有宜兰、罗东、兰阳、苏澳kap南方澳等长老教会和信义会宜兰圣道堂由西罗亚诗班(视障)、喜乐四重唱(视障)、乌门摇滚乐团(视障)kap 赞美三重唱(肢障)共同演出，观众有一千三百人次，效果真好。宜兰教会ê张俊雄牧师ê「明年koh来」hō͘阮真大ê鼓励，感谢主。

［台湾教会公报 2161 期1993.8.1］