《宋澤萊新著《天路拾穗》TOJ/台灣字版》

 | | | 轉寄

Chútê 12：Tō͘ Khèngsêng kah Sòng Te̍klâi tī bīnchheh tâm honggiân kîtó

作者 Sòng Te̍klâi 2026.04.19

Tējī pō͘ Sènglêng koànak

Chútê 12：Tō͘ Khèngsêng kah Sòng Te̍klâi tī bīnchheh tâm honggiân kîtó

Ta̍hōethâu：Tō͘ Khèngsêng bo̍kchêng tī pak SuTāi Tâioân Tâibûn só͘ kongtho̍k phoksū ha̍kūi, Lêngniûtông ê Chú lāi hiaⁿtī. Chòekīn i kah Sòng Te̍klâi chòhóe chò chi̍t pái honggiân kîtó, ēkha sī nn̄g lâng tī bīnchheh ni̍h ê tùiōe, ※
Tō͘ Khèngsêng：Góa kah Sòng Te̍klâi lāusu sī lāusu mā sī pêngiú, pêⁿpêⁿ sī Kitoktô, chahng ēpo͘ pàihóng Sòng lāusu, i tòaniá góa ha̍ksi̍p honggiân kîtó. Púnlâi góa kámkak bēsái, m̄koh tī i ê ínchhōa chi hā, chhùichi̍h khoàisok chìntōng, ētàng hoatchhut tan imchat ê liânsòa kîtó. Kin'áji̍t chákhí chhauliān ê sî, góa hōng Chú Iésu ê miâ, kîkiû sù góa honggiân kîtó ê insù, jîchhiáⁿ kiû Chú hō͘ góa pengléng ê chhiúchiúⁿ ū loánliû thongkòe, iok 10 hun cheng, siangchhiú chhiúchiúⁿ chinchiàⁿ unloán khílâi. Tôngsî ūi góa ê khanchhiú ēng honggiân kîtó, kîtó liáuāu, góa ê thâuhia̍h to̍h lâu chhìnkōaⁿ, chinchiàⁿ chin òbiāu, kámsiā Chú!

Sòng Te̍klâi lāusu hoaⁿhí lâi hunhióng honggiân kîtó tòa lâi ê pêngan hílo̍k, i kóng,"tùi honggiân kîtó ū hèngchhù ê lâng thang chhōe i."Sòng Te̍klâi lāusu ê tn̂gphiⁿ siósoat, chhinchhiūⁿ, " hoehsek iāpô kànglîm ê siâⁿchhī ", " jia̍ttài mô͘kài ", " thiⁿsiōng koàn te̍k（siōng）" íki̍p téphiⁿ siósoat 〈 piànsêng iâm thiāu ê chokka 〉, lóng sī sio̍k tī Kitokkàu susiá ê chongkàu siósoat. Giánkiù Sòng Te̍klâi siósoat ê sek phoksū lūnbûn ū 10 gōa pún, í " hoehsek iāpô kànglîm ê siâⁿchhī " chò lē, tōatosò͘ giánkiù chiá jīnûi sī chèngtī siósoat, khausé Tâioân ê o͘ kim chèngtī hoâiⁿhêng, m̄koh ū chi̍t ūi giánkiù chiá jīnûi sī chongkàu siósoat.（Chiaⁿ Goe̍h 19 ji̍t）

Sòng Te̍klâi：Khèngsêng chahng ēpo͘ lâi Lo̍kkáng chhōe góa, goán chòhóe chò honggiân（lênggí） kîtó. 5 hun cheng chi lāi, i to̍h ētàng kóng chhut honggiân, siaⁿim huisiông tōasiaⁿ phiauchún, m̄nā ēhiáu kóng tan imchat ê honggiân, mā siókhóa ētàng kóng chhut to imchat ê honggiân, si̍tchāi sī lêng un ê奇 chiah, nāsī i ētàng ta̍k kang lóng chò honggiân kîtó, to̍h ē puttekliáu, inūi honggiân kîtó ētàng thêseng sìnsim kàu chi̍tê koântō͘, to̍h ētàng sánseng i pēⁿ, kóaⁿ kúi chiahê sînjiah. Kionghí Khèngsêng siū Sènglêng ê sé, ánne, i íāu ê Kitokkàu sìngióng le̍kthêng to̍h ē chìnji̍p sin kaitōaⁿ à.（Chiaⁿ Goe̍h 20 ji̍t）

Tō͘ Khèngsêng：Kámsiā Chú siúⁿsù intián, ētàng kah lāusu ū chit tōaⁿ chhiongmóa sînjiah ê òbiāu thégiām, góa ē ta̍k kang chhauliān honggiân kîtó, chhinkīn SiōngChú, niásiū Sènglêng ê sé, to Chiā lāusu, Emmánuel.（Chiaⁿ Goe̍h 20 ji̍t）

Sòng Te̍klâi：Khèngsêng Siⁿî khoàilo̍k! （1 goe̍h 22 ji̍t）

Tō͘ Khèngsêng：Chiok lāusu Siⁿî khoàilo̍k, Chú un móa chhut lâi. Góa ta̍k kang lóng chhauliān honggiân kîtó, chhùichi̍h ê chìntōng chin khoàisok, m̄koh bo̍kchêng iáu sī ēng tan imchat ūi Chú. （1 goe̍h 22 ji̍t）

Sòng Te̍klâi：Ánne chin hó. Honggiân kîtó sī bô hoattō͘ thau chia̍h pō͘ ê, ittēng tio̍h chi̍t tiámcheng chi̍t tiámcheng lúichek, chiah ētàng sánseng kiôngtāi ê sìnsim hāukó, tháupàng chhut chióngchióng ê sînjiah īlêng. To imchat kîtó, chhiáⁿ tòe iáⁿphìⁿ lāi ê sióchiá chòhóe ánne kîtó to̍h ēsái. Tan imchat kîtó le̍kliōng kiôngtāi, tháupàng kíntiuⁿ, chhausim, iuut, thiàⁿthàng ê konglêng chin bênghián. Ū chi̍t chióng paktó͘ chhoánkhùi hoat ê honggiân kîtó, nāsī chháṳōng chit chióng honghoat chò honggiân kîtó, ētàng khinsang chūiû hoathui, liânsòa kîtó saⁿ tiámcheng lóng bē kámkak thiám. （1 goe̍h 22 ji̍t）

Tō͘ Khèngsêng：lāusu, bo̍kchêng góa ta̍k kang cháàm lóng chhauliān honggiân kîtó, m̄koh iáu sī í tan imchat ūi Chú, tangsî ētàng ēng to imchat kîtó, kám mā sī Sènglêng ê kangchok?（Chiaⁿ Goe̍h 26 ji̍t）

Sòng Te̍klâi：Engkai sī lí ê tōngchok, lí pitsu tōngiōng lí ê chhùitûn kah chhùikhang, kah itpoaⁿ kóngōe kângkhoán ióngkám kóngōe, to̍h ē piànsêng to imchat ê honggiân à. Bo̍kchêng lí pēng bô hoânho̍k tōngiōng tio̍h lí ê chhùitûn kah kîtha pō͘ūi, kantaⁿ tōngiōng tio̍h chhùichi̍h ê pînhoân thiàutōng.（Chiaⁿ Goe̍h 26 ji̍t）

Tō͘ Khèngsêng：Tio̍h, bo̍kchêng khaksi̍t sī ánne, pēng bô hoânho̍k tōngiōng tio̍h chhùitûn á sī kîtha pō͘ūi.（Chiaⁿ Goe̍h 26 ji̍t）

Sòng Te̍klâi：Lán kóngōe ittēng ē tōngiōng tio̍h chhùitûn á sī kîtha pō͘ūi, nā bô, kantaⁿ ētàng kóng chhut tan imchat honggiân.（Chiaⁿ Goe̍h 26 ji̍t）

Tō͘ Khèngsêng：Liáukái, tosiā lāusu.（Chiaⁿ Goe̍h 26 ji̍t）

──2023, 1, 16 tah tī "Kitokkàu Thongsìn"