《台語荒漠甘泉（全羅版）》

 | | | 轉寄

"Bô khòaⁿ khoân-kéng ê sìn-sim"

作者 陳清俊 翻譯 2007.07.15

listen

Chhit ge̍h cha̍p-gō͘ (Chhit ge̍h cha̍p-gō͘ ji̍t)

"iā hit ê só͘-í bat khah-iâⁿ sè-kan ê, chiū-sī lán ê sìn." (I Iok-hān 5:4)

Chheng-thiⁿ pe̍h-ji̍t sî,
Joa̍h-thiⁿ liâng-hong bî-bî,
Mûi-kùi hoat phang-bī,
Thiàⁿ I chin iông-ī.
Hoe khui móa soaⁿ-khiⁿ,
Chhut-ji̍t chiò chháu-pîⁿ,
Chun-thàn I chí-ì,
Iông-ī bô thang pí.

Tī lo̍h hō͘ sî,
Hûn-bū móa khong-khì,
Lō͘ àm bô pîⁿ,
Hong thàu bōe sūn-ì,
Chheng-chá siūⁿ hó-thiⁿ
Àm-àm o͘-im thiⁿ,
Khùn-lân sìn-jīm I,
Bān-bān chun-hêng khì.

Chiáu pe lâi chhiùⁿ-koa,
Gîm o-ló si-koa,
Hôe-im se̍h chhù kòa,
Sìn-khò I tùi sim-koaⁿ.
Tng ji̍t-chí im-tîm,
Su-liām im-ga̍k ná chhim,
Ài tû-khì giâu-gî kiaⁿ-hiâⁿ sim,
Su-iàu sìn-sim kap sìn-jīm.

Lán só͘ su-iàu Chú siúⁿ-sù,
Sìn-khò I èng-ún, ēng sìn-sim kiû;
I éng-oán chhōa thâu, put-koán pîⁿ á chhu,
I múi-ji̍t só͘ su chin hong-hù.

Kám-kak siū khì-sat ia̍h beh siong-sìn, kî-tó bô siū thiaⁿ-kìⁿ iā bô hôe-tap, ia̍h ài kè-sio̍k kî-tó. Siong-sìn Siōng-tè ê thiàⁿ sī oân-choân ê, I chai lí ê chhù-kéng, sīm-chì lí ê sè-kài lóng bô beh chhap lí, lí ê chhéng-kiû iā lóng bô hoán-èng. Koan-sim Siōng-tè tùi lí ê kè-ōe, nāi-sim thèng-hāu, sīm-chì kàu sí iā bô sit-khì sìn-sim. “Che chiū-sī khah-iâⁿ sè-kài lah” sī chin-chiàⁿ ê sìn-sim. --- George MacDonald

附註:《荒漠甘泉》漢羅版kap "Hong-bô͘ Kam-chôaⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:book@pctpress.com.tw