《賴永祥講書》

 | | | 轉寄

《教會史話》(2_138)劉光求族系

作者 賴永祥 2010.02.28

「台南劉..家」是台灣基督教家族siōng早ê其中一ê。劉光求（1826-1887年）是府城二老口教會ê老信徒。其中無仝老爸ê小弟高耀（高德耀）是府城siōng早受洗7-ê ê其中一ê，做府城初代ê長老。Góa tit-tio̍h劉錫五纂「劉光求來台灣族系紀錄」（稿影本），真歡喜。

劉光求，幼名壠，是劉崑華、李晉ê孤kiáⁿ，tī福建省泉州府孝悌巷出世，5歲老爸死..去。1849年來台灣，入兵營，官章春生，送五品軍功，諡瑞祥。因為長久以來lóng是leh無閒軍務所以無siahN2財產，一直lóng tiām-tiām-á信教。來台灣ê時陣戶籍tī府城溫陵媽廟西北統領巷，後來sòe厝tòa tī上帝廟後壁、太平境、元會境ê後，tio̍h搬去二老口醫館附近。Kàu chit-má伊ê後代koh真chē人tòa tī這附近，就是博愛路、青年路、興華街。

光求妻李朗（1840-1899年）真久以來lóng m̄肯tùi翁婿入教，所以in兩ê kiáⁿ頭一ê受洗ē是高德耀收養ê第三ê kiáⁿ麒鳳（瑞山）。台南太平境教會有保存「台南市姓名簿」（1872-1915年），是1914年重新整理kòe..ē。chit本冊登記第1號，同治11年8月20（即1872年9月22）倪牧師（倪為霖，Rev. William Macgregor, 廈門來者）施洗，名高麒鳳，高耀子，五歲。麒鳳tī 1867年12月18出世。[黃茂卿寫講：「太平境馬雅各教會設教九十年史」第99頁，無小心斷做高天賜受洗]。瑞山後來復姓劉。

光求長男麒麟（又名瑞仁）是1884年5月18由巴克禮牧師領洗..ē，1909年2月13 kòe身（台南教會報228期1909年3月p.24）。四男錫五（幼名天福，koh叫做瑞臨）受洗koh-khah晚，tī 1913年3月30由高金聲牧師領洗。二男大粒（端琛）無歸主。

光求第3代多人有「主」ê名，原因就是信主。「主」kap「子」，閩南音仝款，所以tiāⁿ-tiaⁿ相通。麒麟生（大房）ê有，主能（主龍）、主恩（子恩）、主護（子厚）、主足（主爵）；瑞山所生（三房）有，主燈（青雲）、主安、主祥（子祥）、主來（青江）、主忠（青和）、主義（青波）；錫五所生（四房）有，主送（清風）、主照（青黎）。瑞山七子青眼（意思是歡喜正視者ê目睭；「白眼」ê倒péng），倒是例外，m̄-koh伊是仝輩唯一有牧師名ē。

王瑞山大kiáⁿ主燈，後來lóng用林燕臣牧師（是秀才）hō ê學名「青雲」（古人講志願遠大ia̍h是高潔志操是青雲之志）。青雲ê大漢後生改造，tī 1985年正月編印「劉光求來台族系族譜」油印分分hō͘親族，收錄光求裔，無分男女，翁á某ê名lóng有記，真詳細。族人tī社會往教會ê事績，另gōa記。

《台灣教會公報》 2032期 主後1991年2月初10