《賴永祥講書》

 | | | 轉寄

《教會史話》(2_103) 水仙宮一帶是鬧市

作者 賴永祥 2009.06.28

宣教師馬雅各醫生tú-kàu台灣府城（台南）ê時陣，tio̍h tī大西門外看西街設教kap施療。Khah-su你有溝季府城地圖。Tio̍h會使沿看西街向北過了偷食橋，tio̍h kàu水仙宮。當時金仙宮一帶是府城上繁華、熱鬧ê地區。
天上聖母（媽祖）、水仙、風神、龍王是台民所hōng-sāi保護船chiah 漁民ê神。水仙王者，根據郁永河撰「海上紀略」，是「洋中之神。莫詳姓氏。或曰：帝禹、伍佰（子胥）、三閭大夫（屈原），又逸其二……」。逸者，王勃？李自？康熙54年（1715年）泉漳諸商建水仙宮tī台灣府西定坊海口。後來貿易業務變真興，營業性質tâu-tâu-á成立集團，號做「郊」ê組織。所謂三郊者，tio̍h是「北郊」（華北、華中貿易）、「南郊」（華南貿易）「糖郊」（經營糖進出口）。三郊tī乾隆6年（1741年）tī水仙宮邊室，設置「三益堂」公所，來處理一切郊務kap地方公事。三郊用賺ê錢捐--出來鋪路、造橋、修廟：建造域柵、設練義勇等等，對地方ê建設、治安、救濟等盡真濟ê力。水仙宮一帶成做商業中心，繁華是會使想tio̍h-è。港口開放以後，外國生理人lóng來台灣。設館iah-sī貨棧，無tī安平，mā-tio̍h-sī tī水仙宮一帶。進出口真濟、貨ê運輸真頻繁，消費文化開始thòaⁿ開。菜攤、茶館、煙（芙蓉、鴉片）、妓寮……林立。陳肇興「赤嵌竹枝詞」云：「水仙宮外是儂家，來往艘船慣吃茶，笑指郎口是錢樹、好風吹到便開花」，tio̍h是好寫照。

英語Down town kap Up town ê語言，府城人mā有下底街、頂街ê名稱。城內上帝廟向東一帶khah koân，叫做頂街。向西行--落去是下底街kàu城外水仙宮一帶，chi̍t帶tī清期是府城上繁華ê所在水仙宮起tī水船停靠ê海口，面向台江，m̄-koh因為真久以來土沙ê堆積來成做陸地，乾隆29年（1746年）三郊重修ê時陣，舊ê港口已經hō͘土沙that真久，市塵雜沓，交相逼處，知府命令居民搬走，ùi祠前kàu小港，lóng總有12丈，廣共3丈，「氣局軒敞，廟貌莊嚴」云，會使知影陸地化leh進行。Kàu今á日m̄-nā水仙宮：歸ê台江mā成做陸地。

三郊所用ê帆船：phah bē-kòe外國生理人ê輪船，光緒期公款日絀「貿易日少，kàu光緒31年（1895年）割hō͘日本，泉漳諸商lóng散--去，三益堂公所mā來pha-hng。日本政府mā-kā樟腦改做公賣，管制鴉片……致使外國生理人無lī-sûn thang thàn。隨tio̍h台灣kap日本貿易ê進展，高雄港ê起造等等因素，水仙宮附近tio̍h-beh恢復khah-chah ê光彩，已經lú來lú近。

Tī本文上後尾，請逐家想看mái，宣教師tī府城上繁榮熱鬧ê水仙宮附近beh起「橋頭堡」kám是khiáu ê選擇。

《台灣教會公報》 1996期 主後1990年6月3日