《賴永祥講書》

 | | | 轉寄

《教會史話》(1_076)白河白水溪ê遺跡

作者 賴永祥 2008.12.28

白水溪tī教會史上浮顯出名，tī文獻學上hō͘人注意，就是因為甘為霖牧師ê遭難。1955年1月29日，嘉義中會為著beh紀念甘牧師遭難80週年，恭.立一塊石碑並誌其概要云，「…被土豪吳墻率領伊ê黨徒包圍拜堂後壁放火，頭前烈劍情勢真危險，好家在得著聖神ê啟示，用毛氈擲出去庭前，群眾kè-sī牧師跌倒攏giâ刀槍beh kā tú，好家在牧帥ùi兇徒ê背後偷走出去、跤涉畸嶇奔走千里到嘉義tī beh黎明ê時入縣去求救che若m̄是上主ê保庇是真歹會凍脫險ê…」。

吳至高（吳墻）ê遺跡呢？1953年10月12日台南縣文獻委員會採訪隊訪白河鎮（舊店仔口）。tī伊ê探訪記內面講：「阮到客庄內（外角里），採訪吳大老志高ê大營。…當時（道光時代）所建ê府宅今仔日猶koh tī leh，府前有半月池，壇壁張有銃眼，tī本縣中是一ê真難得ê古蹟。聽講當時伊有由大營至塩水港攏m̄免踏別人ê土地仝款ê好額人，到chit-má mā chiah三代一百外年niâ，m̄-koh吳大老ê偉業已經攏無留a，不但伊ê舊厝已經賣hō͘別人a，連伊ê後代mā攏chhōe無a。阮四kè走chhōe，才知影三少奶（吳大老的第三媳婦）ê子兒序小猶kohtoa3 tī這間厝ê北pêng，tī chit-ê 庭ê後尾有發現一面吳大老ê墓碑。碑高3尺6寸5分（碑面1尺8寸5分）、闊1尺8寸、厚3寸， 碑頂披肩形ê，是一座豪華ê墓碑，m̄-koh已經斷做兩塊--a。同時發現吳大老ê王環神主等等，這是這pái ê採訪內面尚大ê收穫，聽講吳大老在生進前所做e5m7是啥麼正經ê事業，m̄-koh因為戴萬生teh反ê時chūn，救山有幼，就由清朝敕授斗六營都尉。雖然伊是一ê士豪，m̄-koh白河這個所在mā是因為伊chiah來出名，同時mā隨著伊ê chiah來衰微。時勢造英雄，英雄又koh造時勢，chit句話，tī chia是真有道理。」

這篇採訪記是吳新榮所寫ê。吳新榮（1907~1967）是佳里人，父吳萱草是白鷗吟社社長。新榮ùi東京醫學專門學校畢業ê（今東京醫科大學），tī故鄉開業「佳里醫院」.，頗喜交學：台南縣文獻委員會成立，任委員兼編纂組長，主編「南瀛文獻」，「台南縣志」（官方出版，列監修、主修，另有人）更加是伊ê心血。伊過身了後張良澤為伊編輯「吳新榮全集」8卷，由遠景出版社刊行。引用文，先發表tī「南瀛文獻」，並且收錄tī全集⑵「震瀛探訪記」（第72/73頁）。吳新榮亦錄云「聽講吳志高beh排除甘牧師ê教會，原因是吳志高ê祖墓面向教會，是受地理師ê讒言所致ê（同書第216~217頁）。
　 　
《台灣教會公報》 1968期 主後1989年9月41日