《《一位台灣女信徒ê自述》》

 | | | 轉寄

第三章_26）鴻玉考tiâu台灣大學外文系

作者 吳月娥, 台譯：Lîm Chùn-io̍k 2021.06.06

鴻玉初中二年ê時，毛克禮夫人tńg去美國，所以她to̍h換去kah台北藝術專科學校ê鋼琴教授戴逢祈先生學琴兩年，了後koh換藤田梓（ふじたあつさ）老師。鴻玉高中二年ê時，教育部實施藝術方面ê資優兒童留學考試，鴻玉tī藤田教授ê熱烈推薦下，報名參加考試，而且成功通過。鋼琴方面，除了鴻玉以外，iáu有林惠玲kah陳泰成兩人通過。藤田梓老師替鴻玉向美國波士頓êNew England音樂學院申請獎學金，所以鴻玉tī高中二年to̍h ētàng出國留學。M̄koh，鴻玉想beh去讀台灣大學，所以她拜託藤田老師kā New England音樂學院ê入學許可延期二年。鴻玉mā hō͘ 學校保送去政治大學，m̄koh，她主張若m̄是台灣大學她to̍h無ài。Hit年她以第一志願考tiâu台灣大學外文系；因為她計畫beh去美國留學，所以一年來，她真mîchiⁿ teh讀英文，所以成功考tiâu外文系。