《主編e5話》

 | | | 轉寄

Kài輕鬆(KKS)台語漢羅輸入法(三)... 詞庫內容

作者 Chuniok 2006.04.16

詞庫內容kap輸入要領說明：Phah字輸入法kap「微軟注音輸入法」完全仝款。

1) 用TOJ(台灣羅馬字)小寫字母輸入： a, b, ch/z, chh/c, e, g, h, i, j, k, kh, l, m, n, ng, o, o’, p, ph, s, t, th, u。鼻音 phah “nn” ; “ o’” phah “o͘”。

2) 字根siōng-chē六個。為避免超過六字根，“ ch ”用“ z ”、“ chh ”用 “ c ”來取代。

3) 單音節：全字照phah,需要數字2,3,5,7,8調號。

4) 雙音節(TOJ、漢羅、漢字)：按該TOJ字母順序輸入6個字根，第一音節輸入完整字母(但不管鼻音)，加上第二音節字母，siōng-chē到總共6個字根即可，送氣音須輸入ph,th,kh。免數字2,3,5,7,8調號、免連接符號「-」。例：taioan=台灣；hoecia/hecia=火車；sangkh=送氣；sasia=三聲；nkhak=卵殼。

5) 三音節以上(TOJ、漢羅、漢字)：取每音節ê第一字母ê,送氣音須輸入ph,th,kh，。例：als=阿里山；lmj=羅馬字；cthth/ctt=出頭天；tngh=大雅鄉；kls=ka-lún-sún; tslp=東西南北。但四音節以上為避免超過六字根則省去送氣ê“ h ”，例：kkll=起起落落。

6)標點符號：phah “pt” 就會出現 “，...；...。... ?...！...：...「」...『』...《》... → hō͘你選。

7) 英文字kap阿拉伯數字：照一般phah字輸入，但大寫必須phah雙pái,例： “ aa ”=A;“ bb ”=B(iáu有bug,待改進)。羅馬字第一字beh大寫，kā第一字母phah雙pái,例： “mmthan”= “M̄-thang”。(註：因為ime ê限制，無經過ime而直接輸入ê數字有0, 1, 4, 6, 9)。

8) 羅馬字ê外國地名：phah羅馬字原文ê頭六字，例：boston=波士頓。既成習慣ê照習慣也可以，例：lsk/losang=洛杉磯

9) 產生ê漢羅文章，其中羅馬字調號數字tio̍h用TP1.50/ TP2.10來轉做調符。

10) 增加你家己常用詞：phah開詞庫檔案「KKS_V___.txt」，「tgbck 台語文專刊」以上五chōa是指令，絕對bē-sái修改，kā boeh增加ê詞/字照詞庫ê格式增加。先phah羅馬字字根了後，phah半形ê “space”，絕對bē-sái用全形ê “space”，若án-ne會造成無法度安裝。若beh將你增加ê詞庫kap大家分享，請kā增加部分ê檔案e-mail來：chuniok@fhl.net,多謝。