《Tui3台語開始》

 | | | 轉寄

駱維仁博士kap《新使者雜誌》--(三）

作者 張德麟 2009.01.25

Tī頂面引用ê談話中，有(一)人身攻擊。如3、6、8。有(二)無需要ê猜忌。如4、5。有(三)對聖經如何演變成做咱今á日手頂ê中文譯本欠缺認識。譬如新約聖經如何tùi手抄本到TR、WH、聯合聖經公會版，到譯成中文，koh如何需要不斷去修訂，chit-ê過程欠缺了解就會講出hit種ê話(和合本就修訂了無數次。簡單舉一個例，1920年出版ê《官話和合本新舊約全書》kap 1908年出版ê〈官話和合譯本新約全書〉就有真大ê無仝。譬如講馬太5章33節，修訂前是：「你不可背誓，你起的誓，總要還給主，你不可背誓，你所起的誓，總要向主謹守。」 siōng嚴重ê是，（四），tī頂面ê發言中，透出一種「tùi教義決定聖經翻譯」ê氣味。質疑者一再問，chit種譯法kap我所理解ê教義無仝。（甚至有人講「罪」字也tio̍h the̍h掉。周聯華牧師當場就講：「『罪』the̍h不掉，因為『罪』字tī聖經裡面。Bē-sái，the̍h不掉ê。」）chit種問法本身就有問題。你會使講翻譯者譯了m̄著，a-sī無夠「信、達、雅」。但你bē-sái講譯文kap我理解ê教義有出入，所以你tio̍h改。就親像當時一位參會ê牧者真感慨講：「原文本來就是án-ne，你kā阮講你ê想法一定對，問題著jú來jú chē了。」黃院長ē-tàng就聖經翻譯譯論聖經翻譯，chit種態度是神學辯論上絕對需要ê。不過黃院長對Eugene Nida所主導ê現代譯本ê翻譯原則─意義相符、效果相等，真明顯是bōe放心。所以伊chiah會講：「保留『肉體』二字，然後thèng候解釋。解釋伊ê時chūn，當然chit-ê解釋，chit-ê肉體，mā就是『人性』ê意思。Chit-ê人性甚至包括了『墮落ê人性』。」 我記落駱博士kap《新使者雜誌》中ê幾行代誌。Tī-chia必須代表所有ê同工感謝伊對雜誌ê照顧。Mā需要藉chit-ê機會向伊表達抱歉，干taⁿ為tio̍h認真beh表達伊tī一段譯文中所tú著ê困難kap掙扎，竟然hō͘伊遭受hiah呢chē ê侮辱。最後，我個人mā愛kā多謝，tī kap伊學習kap伊作工ê hit段日子，是上帝賜hō͘我siōng美好ê時間之一。我mā一直為著bat kap chiah呢認真、看無家己ê長輩學習過，感謝咱tī天頂ê父。