《聖經故事三字詩》

 | | | 轉寄

18. Lêng-kó(1) .... 靈果(一)

作者 Tân Chheng-chùn 2009.05.31

Lêng ké-chí, jîn-ài khí,
靈果子，仁愛起，
Thiàⁿ Siōng-tè, chun thian-lí,
愛上帝，遵天理，
Thiàⁿ chhù-piⁿ, chhiūⁿ ka-kī,
愛厝邊，像家己，
Thiàⁿ tùi-te̍k, Chú chí-sī.
愛對敵，主指示。

Hoaⁿ-hí lo̍k, sim hēng-hok,
歡喜樂，心幸福，
Ta̍k kak-lo̍h, ná thian-kok,
逐角落，若天國，
Tùi chong-cho̍k, bô khek-po̍k,
對宗族，無刻薄，
Bô ok-to̍k, bô thui-thok;
無惡毒，無推託；
Put-lok-sok, tio̍h kiat-sok.
不落速，著結束，
Siông chiok-hok, thoân khoài-lo̍k.
常祝福，傳快樂。

Saⁿ hô-pêng, tn̂g hô kéng,
三和平，長和景，
Chāi pêng-téng, chāi kng-bêng,
在平等，在光明，
Siōng hā lêng, chhiā-pôaⁿ-péng,
上下凌，車盤反，
Jiáu-loān chèng, bô an-lêng.
擾亂種，無安寧。

Sì thun-lún, lāi un-sûn,
四吞忍，內溫純，
Tiōng thian-lûn, bô khioh-hūn,
重天倫，無拾恨，
Tō͘ jû kun, thang the chûn,
肚如君，可撐船，
Sèng goân-pún, oán cheng-lūn,
性原本，遠爭論，
Tek-sèng kūn, tāi-chì sūn.
得勝近，代誌順。