《聖經故事三字詩》

 | | | 轉寄

13. Siú-chiat .... 守節

作者 Tân Chheng-chùn 2009.03.22

Í-sek-lia̍t, chin te̍k-pia̍t,
以色列，真特別，
Pôaⁿ-kè-chiat, Siōng-tè siat,
攀過節，上帝設，
Thâu-siⁿ bia̍t, chhiú-tōaⁿ lia̍t?
頭生滅，手段烈？
Mn̂g kô͘ hiat, tit hun-pia̍t.
門糊血，得分別。

Chia̍h iûⁿ-bah, khó͘-chhài kah,
食羊肉，苦菜夾，
Khiā siōng ha̍h, chiah kàu tah,
企上合，食到底，
Bô chham kàⁿ, io-tòa hâ;
無參麴，腰帶縖；

Huih boah mn̂g, pó-miā chn̄g,
血抹門，保命狀，
Thoân-îⁿ pn̄g, thoân kú-tn̂g,
團圓飯，傳久長，
Kiáⁿ-sun mn̄g, Sîn un sǹg,
子孫問，神恩算，
Chhut-kiâⁿ hn̄g, bô tò-tńg,
出行遠，無倒返，
Lô͘-sèng tn̄g, chū-iû kng.
奴性斷，自由光。

Thiⁿ sú-chiá, phiàn-tē kiâⁿ,
天使者，遍地行，
Sí tōa-kiáⁿ, chhám khàu-siaⁿ,
死大子，慘哭聲，
Ai-ki̍p kiaⁿ, pàng in kiâⁿ,
埃及驚，放尹行，
Siōng-tè siaⁿ, chai-lān tiāⁿ;
上帝聲，災難停；
Kè khòng-iá, sin sìⁿ-miā,
過曠野，新性命，
Tio̍h phah-piàⁿ, chun Chú miâ.
著打拼，尊主名。