《台語chit條路》

 | | | 轉寄

《台語chit條路》 序—

作者 蔣為文 2007.11.18

br>
Hit-pái促進會開會ê時陣聽允言講有拍算ti歇熱做一項khangkhoe3,tō是去拜訪一寡從事台語文運動ê工作者，聽soah真興奮，tō chhōe允言表示參予ê意願…。

台灣ê語言、歷史、文化一直是國民黨政府ê禁忌，台灣ê物件一直是伊所看beh起、所壓制ê。有人講國民黨已經分做「台灣國民黨」hâm「中國國民黨」已經算是「本土」政權，已經m̄是「外來統治」a,所以「台灣人」已經出頭天a。事實kám按呢？為siáⁿ-mih「台灣研究所」無法度成立？為siáⁿ-mih「本土文化」課程無法度成立？為siáⁿ-mih歌仔戲、布袋戲仝款無正式ê管道傳受學生？為siáⁿ-mih電視台仝款kan-na有「包青天」即類「中國戲」thang看？為siáⁿ-mih「本土政權」m̄敢編「台語」字典、推行本土語言教育？kám講一「本土政權」是應該按呢對待本土ê物件？「台灣國民黨」不過是變khah khiáu niâ,不過是學會曉講kúi句「台語」來騙取選票niâ!講二二八會編入教材，結果不過是「敷衍」兩三句；講beh實施「鄉土教育」，不過是一禮拜一點鐘ê「彈性」時間，比咱修「第二外國語」ê規定時間koh khah少！若准講iáu teh siàu想中國老奶哺，「台灣國民黨」beh變成百分之百ê「本土政權」是無可能ê!

Tī即種解嚴前是禁忌、解嚴後sió-khóa開放但並無受「官方」重視ê時代下，chia從事「台灣研究」、從事「台語文」ê工作者，到底是siáⁿ-mih款ê動力促使尹tiàm tī am-á拍拼，用尹ê筆hâm汗將台灣ê面露仔寫落來呢？Che一直是我想beh知影ê。

無定是久年來無人受重視，ta̍k-kái去拜訪chia ê工作者，攏會使感受著尹內心ê歡喜kah激動。歡喜ê是有一批仝款理念ê少年家投入，激動ê是即kúi十冬ê堅持，路尾得著人ê肯定。

每ㄧ回拜訪chia ê sian-pái,ùi尹嚴肅ê目光kah激動ê神情，我看著二二八事件留ê血滿世界，台灣人tī白色恐怖所受著ê精神hâm肉體創傷，以及對「台灣文化」被強迫變質做國民黨式「中國文化」ê苦悶hâm憤慨。

有人講，台灣人kan-na會曉「苦悶」，怨嘆「新婦仔命」，