《巴克禮普世版聖經（試讀本）》

 | | | 轉寄

巴克禮普世版（試讀本）_馬太福音第一章

作者 巴克禮普世版小組 2011.03.27

1) Che sī Iâ-so͘ Ki-tok ê ka-phó͘, Iâ-so͘ sī Tāi-pi̍t ê kiáⁿ-sun, Tāi-pit sī A-pek-la̍h-hán ê kiáⁿ-sun,.
2) A-pek-la̍h-hán seⁿ Í-sat; Í-sat seⁿ Ngá-kok; Ngá-kok seⁿ Iû-tāi kap i ê hiaⁿ-tī;
3) Iû-tāi tùi Tāi-má seⁿ Hoat-le̍k-sū kap Sat-la̍h; Hoat-le̍k-sū seⁿ Í-sū-lûn; Í-sū-lûn seⁿ A-lân;
4) A-lân seⁿ A-bí-ná-ta̍t; A-bí-ná-ta̍t seⁿ Ná-sūn; Ná-sūn seⁿ Sat-bûn;
5) Sat-bûn tùi Lat-ha̍p seⁿ Pho-sū; Pho-sū tùi Lō͘-tek seⁿ O-pek; O-pek seⁿ Iâ-se;
6) Iâ-se seⁿ Tāi-pi̍t ông.
7) Tāi-pi̍t tùi O͘-lī-a ê bó͘ seⁿ Só͘-lô-bûn; Só͘-lô-bûn seⁿ Lô-pho-àm; Lô-pho-àm seⁿ A-pí-a; A-pí-a seⁿ A-sat
8) A-sat seⁿ Iok-sa-hoat; Iok-sa-hoat seⁿ Iok-lân; Iok-lân seⁿ O͘-se-a;
9) O͘-se-a seⁿ Iok-tàn;Iok-tàn seⁿ A-hap-sū; A-hap-sū seⁿ Hi-se-ka;
10) Hi-se-ka seⁿ Má-ná-se; Má-ná-se seⁿ A-bûn; A-bûn seⁿ Iok-se-a;
11) Í-sek-lia̍t jîn-bîn hō͘ lâng lia̍h kàu Pa-pí-lûn ê sî, Iok-se-a seⁿ Iâ-ko-nî-a kap i ê hiaⁿ-tī.
12) Í-sek-lia̍t jîn-bîn hō͘ lâng lia̍h kàu Pa-pí-lûn liáu-āu, Iâ-ko-nî-a seⁿ Sat-lia̍p-thiat; Sat-lia̍p-thiat seⁿ Só͘-lô-pá-pek;
13) Só͘-lô-pá-pek seⁿ A-pí-ut; A-pí-ut seⁿ Í-lī-a-kim; Í-lī-a-kim seⁿ A-só͘;
14) A-só͘ seⁿ Sat-to̍k; Sat-to̍k seⁿ A-kim; A-kim seⁿ Í-lu̍t;
15) Í-lu̍t seⁿ Í-lī-a-sat; Í-lī-a-sat seⁿ Má-tàn; Má-tàn seⁿ Ngá-kok;
16) Ngá-kok seⁿ Má-lī-a ê tiōng-hu Iok-sek; hō͘ lâng chheng chò Ki-tok ê Iâ-so͘, sī tùi chit ê Má-lī-a seⁿ ê.
17) Án-ne tùi A-pek-la̍h-hán kàu Tāi-pi̍t, kiōng cha̍p-sì tāi; tùi Tāi-pi̍t kàu Í-sek-lia̍t jîn-bīn hō͘ lâng lia̍h khì Pa-pí-lûn ia̍h ū cha̍p-sì tāi; tùi Í-sek-lia̍t jîn-bīn hō͘ lâng lia̍h khì Pa-pí-lûn kàu Ki-tok ê tàn-seng, iā ū cha̍p-sì tāi.
18) Iâ-so͘ Ki-tok ê chhut-sì, kì tī ē-té: I ê lāu-bú Má-lī-a í-keng kap Iok-sek tēng-hun, iáu-bē kiat-hun, chiū tùi Sèng Lêng lâi hoâi-īn.
19) I ê tiōng-hu Iok-sek sī Siōng-tè kah-ì ê gī-lâng, bô ài kong-khai kō͘ i kiane-siàu, siūⁿ boeh thau-thau-á kái-tû hun-iok.
20) Tng teh siūⁿ ê sî, ū Chú ê thiⁿ-sài tī i ê bîn-bāng-tiong chhut-hiān kóng, Tāi-pi̍t ê kiáⁿ-sun, Iok-sek à, m̄-bián kiaⁿ, tio̍h chhōa lí ê bó͘ Má-lī-a kè-mn̂g; in-ūi i só͘ hoâi-īn ê sī tùi Sèng Lêng lâi ê.
21) I boeh seⁿ kiáⁿ, lí tio̍h kā I hō-miâ kiò-chò Iâ-so͘; in-ūi I boeh kiù I e chú-bîn thoat-chhut in ê chōe-ok.
22) Chit ê tāi-chì ê hoat-seng, sī boeh èng-giām Chú thok sian-ti só͘ kóng ê ōe, kóng,
23) Lí khòaⁿ, chāi-sek-lú boeh hoâi-īn seⁿ kiáⁿ; Lâng boeh kiò I ê miâ chò Í-má-lōe-lī;hoan-e̍k chiū-sī Siōng-chú kap lán tông-chāi.
24) Iok-sek chhéⁿ khí-lâi liáu-āu, chiū chiàu Chú ê thiⁿ-sài só͘ bēng-lēng ê khì chhōa Má-lī-a lâi chò bó͘;
25) tān-sī chit-ê eⁿ-á chhut-sì í-chêng bô kap i tâng-pâng. Eⁿ-á chhut-sì, Iok-sek chiū kā I hō miâ kiò-chò Iâ-so͘.