《台語kah魔術》

 | | | 轉寄

im咖啡、食喙ta、挖雞屎

作者 蘇晏德 2013.12.01

讀國小it年ê時，頭一日老師點名，老師用華語叫3遍：「蘇晏德」，我lóng無
gia̍h手，因為我m̄知影我叫做「蘇晏德」，阮老母lóng叫我Iàn-tek，後--來
老師tō用台語講：Soo Iàn-tek，我tsiah gia̍h手，老師koh繼續點名，「林
佳碑」、「林佳碑」、「林佳碑」，老師nā用華語叫3遍koh無人gia̍h手，tō用
台語叫，老師講：lim-ka-pi？全班lóng笑--出來，koh繼續點名，華語講「謝
碎礁」、「謝碎礁」、「謝碎礁」，無人ìn聲，用台語叫：食喙焦？koh繼續點
名，華語「鄔雞賽」、「鄔雞賽」、「鄔雞賽」，無人ìn聲，用台語叫：烏雞屎？
全班ê同學一直笑，老師講bē-sái笑，老師用華語kap台語叫，lóng無人gia̍h
手，全班點名suah，有一ê同學gia̍h手，老師你無點tio̍h我ê名，我叫做鄔雞
sài，m̄是叫做鄔雞sái，下課ê時有同學叫伊挖雞屎，後--來伊改名叫做「鄔基
賽」，台語叫做鄔Ki-sài，koh有同學叫伊挖豬屎，後--來伊koh改名叫做「鄔基
明」，台語叫作鄔Ki-bêng，koh有同學叫伊烏tsi̍t-pêng。