《台語kah魔術》

 | | | 轉寄

實用的羅馬字

作者 蘇晏德 2017.11.19

實用的羅馬字 Si̍t-ēng ê Lô-má-jī

羅馬字 羅馬字 Lô-má-jī Lô-má-jī
逐家來學羅馬字 Ta̍k-ke lâi o̍h Lô-má-jī
話語書寫真便利 Ōe-gí su-siá chin piān-lī
字母干焦十七字 Jī-bó kan-ta cha̍p-chhit jī

羅馬字 羅馬字 Lô-má-jī Lô-má-jī
台灣族語愛重視 Tâi-oân cho̍k-gí ài tiōng-sī
羅馬拼音真趣味 Lô-má pheng-im chin chhù-bī
實用好記好準備 Si̍t-ēng hó-kì hó chún-pī

羅馬字 羅馬字 Lô-má-jī Lô-má-jī
台文寫作愛靠伊 Tâi-bûn siá-chok ài khò i
真心寫出台灣味 Chin-sim siá-chhut Tâi-oân-bī
記事方便有意義 Kì-sū hong-piān ū ì-gī

羅馬字 羅馬字 Lô-má-jī Lô-má-jī
你是阮的好兄弟 Lí sī goán ê hó hiaⁿ-tī
若是袂曉羅馬字 Nā-sī bē-hiáu Lô-má-jī
你的人生欠一味 Lí ê jîn-seng khiàm chi̍t-bī