《Kahui ê Tâi-bûn Phû-tô-hn̂g》 |
 |
 |
|
 轉寄 |
Tâi-gí pí-sài
作者 Ko Ka-hui 2019.12.08
Ē kì-tit téng kò goe̍h ê 21 hit-kang, góa khì Sîng-tāi chham-ka Aulinpekho pe̍h-uē-jīt tui~tui~tui~ê pí-sài, che sī chuân-kok tē it kài ê Pe̍h-ōe-jī pí-sài. Chit ê oa̍h-tōng sī góa ê Tâi-gí lāu-su kóo-lē guá khì chham-ka--ê, góa phō-tio̍h sió khuá kín-tiuⁿ ê sim-chêng, tō chē hué-chhia ka-kī khì ah!
Guá thê-chá beh puàⁿ tiám cheng kàu hiān-tiûⁿ, chē tī gōa-kháu ê í-á tī hiah tán sî-kan kàu beh ji̍p-khì pí-sài, chi̍t-ê sî-chūn mā-sī koh sió-khuá kiaⁿ-kiaⁿ. Sî-kan tī beh kàu ê sî , tō ū kang-chok jîn-guân kóng ē-tàng ji̍p-lâi seng chhoe leng-khì, sim-chêng pàng khin-sang, góa tō kín ji̍p-khì chún-pī, koh hām piⁿ á ê a-chí si̍k-sāi hām i kóng-ōe, sūn-soah tiâu-chéng guá ê sim-chêng hōo khah pîng-chīng--leh！Kuè bô guā kú, kóng beh khai-sí pí--á.
Guá iáu sī ū chi̍t-tiám-á kín-tiuⁿ. Tē it koan khó soah, beh kong-pòo chîng cha̍p miâ ê sî , sim-lāi siūⁿ kóng eng-kai ē tio̍h--lah, kiat-kó guá chin-chiàⁿ ū pâi--ji̍p-khì neh！Guá pâi tī tē sì--ê, án-ne tō sī beh koh chhian-piàⁿ tē jī koan ah o͘h！Si̍t-chāi chiok chhì-khe--lah!
Chiúⁿ kàu-siū sī chú-khó-koaⁿ, khuàⁿ-tio̍h i góa chiok kín-tiuⁿ--ê!Góa ē kì-tit tē it tiâu tê-bo̍k tō kòng-tò chhit ê lâng, chhūn 3 ê lâng teh pí niâ , chai tiûⁿ ê pêng-sím kóng án-ne seng pí chîng 3 miâ, pí chit-ê--á tio̍h chhut--lâi-ah!
Ah góa--leh？Chhūn chhit ê lâng lo̍h-khì pí, guá tō sī kî-tiong chi̍t-ê, pí kàu guá chia ê sî-chūn , khèh-tio̍h tē 6 mâi, hit ê sî-chūn kî-si̍t góa ū chi̍t-tiám-á m̄-káⁿ siong-sìn , kài-sîng teh chò bāng neh! Guá ê Tâi-gí lāu-su mā tī hiān-tiûⁿ, i kóng guá chiok gâu--ê, koh ka guá lám, guá sim-lāi chin-chiàⁿ ū-kàu hoaⁿ-hí--neh！Hó-ka-chài guá ū thiaⁿ Kim-hoa lāu-su ê ōe uē, lâi chham-ka che Tâi-gí Bûn-huà li̍k-sú-sìng ê pí-sài.Ǹg-bāng guá ē-tàng uī Tâi-gí kè-sio̍k phà-piàⁿ--lo̍h-khì lah!
