《耶穌言行錄》

| | | 轉寄

Tē-81-chiuⁿ,Hun-in ê iân-sia̍h Bô chhēng lé-ho̍k

作者 Ko Kim-seng. 2009.10.25

（Má-thài 22：1-14）
Iâ-so͘ koh siat phì-jū kā chèng-lâng kóng，"Thian-kok chhin-chhiūⁿ jîn-kun thòe i ê kiáⁿ pān hun- in ê iân-toh；chhe lô͘-po̍k tiàu só͘ chhiáⁿ ê lâi hù iân-sia̍h，in m̄ kàu.Koh chhe lô͘-po̍k kóng，"Kā só͘ chhiáⁿ—ê kóng，Góa iân-toh í-keng pān hó，gû kap pûi ê cheng-siⁿ í-keng thâi lah，pah-hāng mi̍h lóng piān lah，thang lâi hù iân-sia̍h. "In m̄ oa̍t-thâu khòaⁿ，chòe in khì，chi̍t ê khì chhân-nih，chi̍t ê khì koe-chhī-nih.Iáu—ê lia̍h lô͘-po̍k lêng-jio̍k hāi-sí i.Jîn-kun thiaⁿ-kìⁿ，siū-khì chhe peng châu-bia̍t hia ê hiong-sin，sio-lio-khì i ê siâⁿ；kā lô͘-po̍k kóng："Hun-in ê toh í-keng pān hó-ho，só͘ chhiáⁿ—ê bōe kham-tit；lín thang khì tōa loe-lō͘，put-lūn só͘ tú-tio̍h，chhiáⁿ i lâi hù iân-sia̍h. "Lô͘-po̍k chhut-khì lō͘-nih，chū-chi̍p só͘ tú-tio̍h hó-lâng，pháiⁿ-lâng，hun-in ê iân-toh lâng-kheh chē kàu móa-móa.Jîn-kun ji̍p-khì khòaⁿ lâng-kheh，khòaⁿ-kìⁿ chi̍t lâng bô chhēng lé-ho̍k，chiū kā i kóng，"Lâng-kheh lâi bô chhēng lé-ho̍k，siáⁿ-sū？"lâng-kheh chēng-chēng.Jîn-kun kā i ê lô͘-po̍k kóng，"Pa̍k i ê kha-chhiú，lia̍h i khì tī gōa-bīn o͘-àm ê só͘-chāi，tī hia ū hoân-ló，thî-khàu，kā-gê chhiat-chhí—ê. ""

Chit ê sī hō͘ lán chai，lâng bô óa-khò Siōng-tè só͘ siat-lu̍p ê Kiáⁿ Iâ-so͘，tit-tio̍h I ê kong-lô jia-khàm lán ê chōe，chiū bōe-tit-thang hióng-siū éng-oán ê hok-khì，chhin-chhiūⁿ hit ê lâng-kheh bô chhēng jîn-kun só͘ pī-pān ê lé-ho̍k，bōe-tit-thang tâng chē iân-toh chi̍t-poaⁿ-iūⁿ.

思羅安台語點字網站