《耶穌言行錄》

| | | 轉寄

Tē-6-chiuⁿ,Ki-tok ê chhut-sì

作者 Ko Kim-seng. 2008.05.18

（Má-thài 1：18-25；Lō͘-ka 2：1-7） Ḿ-lī-a í-keng chòe Iok-sek tiāⁿ-tioh，iáu-bē sêng-chhin，hō͘ Sèng Sîn só͘ kám chiū ū sin.I ê riong7-hu Iok-sek sī gī ê lâng，m̄-ài bêng-bêng lêng-jio̍k i，siūⁿ beh àm-chīⁿ hòe-chhin.Teh siūⁿ ê sî，Chú ê thiⁿ-sài chhut-hiān thok-bang kóng，Tāi-pi̍t ê hō͘-è Iok-sek，tio̍h chhōa lí ê bó͘ Má-lī-a，bo̍h-ti̍t giâu-gî，in-ui i ū sin sī tùi Sèng Sîn.I tek-thak ōe siⁿ kiáⁿ，miâ tio̍h kiò Iâ-so͘，in-ūi I beh kiù I ê peh-sìⁿ thoat-lī chōe-ok.Sian-ti Bí-ka ū kóng，Iâ-so͘ chhut-sì ê so͘-chāi sī Iû-thài ê Pek-lī-hêng.Iok-sek khia7Na2-sat-le̍k，hut ê siâⁿ lī Pek-lī-hêng sui-jiân hn̄g，iáu-kú èng-giām，in-ūi hông-tè tú-tú hut sî chhut chiàu，kah Iû-thài lâng chō ke-kah.Ta̍k lâng tio̍h tò-khì pún só͘-chāi.Iok-sek chiū tò-khì chó͘-ke Pek-lī-hêng，in-ūi i sī Tāi-pi̍t ê hō͘-è.Má-lī-a kap i khì.In tī pek-lī-hêng，kheh-tiàm lâng chōe bōe hioh tit，só͘-í khì hioh bé-tiâu.Hit ê-hng tú-á Siōng-tè èng-ún Má-lī-a ê sî kàu，chiū siⁿ Iâ-so͘.Má-lī-a ēng pò͘ pau，lok tī bé-chô，án-ni thang chai Iâ-so͘ chhut-sì chin pi-chiān.I ê sin-thé kap pêng-siông ê eⁿ-á saⁿ-tâng，ōe chai iau，ōe chai kan-khó͘，ia̍h tio̍h lâng lâi io.Lūn I ê sèng ia̍h saⁿ-tâng，chí-ū chi̍t hāng tōa bô saⁿ-tâng，chiū-sī bô chōe.Koh ū Siōng-tè ê sèng.Lán tio̍h kì-tit Iâ-so͘ sī Siōng-tè，ia̍h sī lâng.

Iâ-so͘ thâu chi̍t pái lîm-kàu sè-kan sī chin khiam-pi，in-ūi beh siū khó͘，siū sí lâi kiù lâng.Sèng-chheh kóng，"I pún-jiân pú，in-ūi lán tì-kàu sòng-hiong，hō͘ lán tùi I ê sòng-hiong tì-kàu pù. "Lán siūⁿ chit ê tāi-chì chin-chiàⁿ tio̍h kám-un.（Ṳ Ko-lîm-to 8：9）.

Na-sī kàu boa̍t-jit koh lâi m̄-sī án-ni，chiū-sī ū tōa koân-lêng lâi chòe sím-phòaⁿ ê Chú，lóng-chóng ê tùi-te̍k tēng-chōe siū hêng-hoa̍t，lóng-chóng sìn I ê lâng chiū chōa in kàu thian-tông.Lán tio̍h kiû Siōng-tè hō͘ lán chòe sêng-si̍t sìn I ê lâng. "I kàu ê sî bô thang hō͘ I hiâm，ōe an-jiân kap I saⁿ-kìⁿ. "

思羅安台語點字網站