《耶穌言行錄》

| | | 轉寄

Tē-5-chiuⁿ,Kiâⁿ sóe-lé Iok-hān chhut-sì

作者 Ko Kim-seng. 2008.05.11

Í-lī-sa-pek kàu sî siⁿ kiáⁿ，chhù-piⁿ,chhin-lâng thiaⁿ-kìⁿ Chú tōa lîn-bin i,ia̍h lóng hoaⁿ-hí.Kàu poeh ji̍t chiū kā eⁿ-á kiâⁿ kat-lé.Tāi-ke ài ēng inlau7-pē ê miâ lâi i,chóng-sī i ê lāu-bú kóng，"M̄-thang，tio̍h miâ kiò Iok-hān. "Tāi-ke kóng，"Chhin-lâng tiong lóng bô chit hō miâ，"chiah pí mn̄g in lāu-pē ài kiò sím-mi̍h miâ.Lāu-pē sûi-sî siá kóng，Iok-hān.Siá liáu liâm-piⁿ ōe kóng-ōe，chhut-siaⁿ o-ló Siōng-tè.Án-ni sī hián-bêng Sat-ka-lī-a ū sìn.I ê sim ia̍h tit-tio̍h Sèng Sîn móa-móa，ōe kóng chiong-lâi ê tāi-chì，ia̍h kóng Siōng-tè ê thiàⁿ-thàng，kap Kiù-chú ê tāi-chì.

Eⁿ-á chiām-chiām tōa，cheng-sîn ióng-kiāⁿ，khiā-khí tī khòng-iá，kàu hián-bêng tī Í-sek-lia̍t peh-sìⁿ ê ji̍t.Sian-ti ū kóng，Ki-tok bē lâi ê tāi-seng ū chi̍t ê sù-chiá kā i pī-pān lō͘，chiū-sī chit ê lâng.

思羅安台語點字網站