《耶穌言行錄》

| | | 轉寄

Tē-54-chiuⁿ,Chhàu-hī-lâng Kòa ê-káu tit-tio̍h hó

作者 Ko Kim-seng. 2009.04.19

（Má-khó 7：31-37）
Iâ-so͘ lī-khui Chhiu-lô Se-tùn ê só͘-chāi tò-tńg khì Ka-lī-lī hái.Ū lâng chhōa tio̍h-pīⁿ ê lâng lâi chhiáⁿ Iâ-so͘ i-hó i.Lāi-tiong ū chi̍t ê chhàu-hī-lâng kòa é-káu，Iâ-so͘ chiū chhōa i khì phian-phiah ê só͘-chāi，ēng chńg-thâu-á lâi thàm I ê hī-khang，phùi-nōa boah i ê chi̍h.Iâ-so͘ ǹg thiⁿ thó͘-khùi kóng，"Í-hoat-tāi，hoan-e̍k chiū-sī hī-khang tio̍h lāi.Hī-khang chek-sî lāi，chih-kun tháu，kóng ōe bêng-bêng.

Chèng-lâng khòaⁿ-kìⁿ put-chí kî-koài，chiū tōa siaⁿ kiò kóng，"I só͘ chòe sī hó， chhàu-hī-lâng—ê ōe thiaⁿ-kìⁿ，é-káu—ê ōe kóng ōe. "

Hiān-sî se-kok chōe-chōe só͘-chāi ū siat-lip chit hō ê o̍h-tn̂g hō͘ chhàu-hī-lâng é-káu tiàm--teh；ia̍h ū sian-siⁿ the kà-sī hō͘ in ōe-hiáu-tit Iâ-so͘ ê hok-im.Hit ê kà-sī ê hoat-tō͘ sī ēng chńg-thâu-á lâi tàu chiâⁿ jī，khòaⁿ só͘ tàu ê jī ná chhin-chhiūⁿ thiaⁿ kóng-ōe chi̍t-poaⁿ-iūⁿ.Kūn-lâi ū siat-lip koh-khah ò-biāu ê hoat-tō͘，chiū-sī kà in chhut-siaⁿ，chóng-sī tio̍h ēng chōe-chōe sim-ki，koh chin kú kà-sī，chiah hō͘ i ōe kóng ōe.Lūn kàu chhàu-hī-lâng chiū bô hoat-tō͘ hō͘ hī-khang ōe lāi.

Lâng sui-bóng ū pún-sū，ia̍h khéng o̍h Iâ-so͘ ê khoán-sit，hoaⁿ-hí lī-ek lâng，iáu-kú ū hāng chòe bōe tit lâi，nā-sī Iâ-so͘ bô só͘ m̄ ōe.

思羅安台語點字網站