《耶穌言行錄》

| | | 轉寄

Tē-46-chiuⁿ,Thian-kok kúi-nā ê phì-jū

作者 Ko Kim-seng. 2009.02.22

(Má-thài 13:33-55;Má-khó 4:31-34).
Iâ-so͘ koh siat phì-jū kóng，"Thian-kok chhin-chhiūⁿ kòa-chhài-chí，lâng the̍h kgi3 iā tī hn̂g-nih.Che sī pah-hāng chéng-chí ê ke̍k sòe ê，kàu tōa châng，khah tōa chiah ê chhài-soe，giám-jiân chiâⁿ chhiū，pe-chiáu kàu，hioh tī i ê ki.”Koh kóng，"Thian-kok chhin-chhiūⁿ kàⁿ-bú，hū-jîn-lâng the̍h khì hē tī saⁿ táu mī-hún lāi kàu kóng-chóng hoat-kàⁿ. "

Tha̍k chiah ê phì-jū thang chai Ki-tok ê hok-im cháiⁿ-iūⁿ ū hāu-giām tī sè-kan，koh cháiⁿ-iūⁿ hāu-giām tī lâng ê sim.Chit hō tāi-chì m̄-sī kâim-piⁿ chiâⁿ，sī ûn-ûn.Hok-im ê tō-lí khí-thâu thoân sī chió-chió lâng sìn，ná thoân ná chōe，āu-lâi ōe kàu piàn-piàn.Lâng ê sèng pún ài kiâⁿ pháiⁿ，m̄-ài hó，chi̍t-ē tit-tio̍h Sèng Sîn ê kám-hòa，chiū ōaⁿ khoán-sit，ōe oàn-hūn pháiⁿ，siông-siông kap pháiⁿ ê liām-thâu saⁿ-chiⁿ kàu khah iâⁿ;só͘ ì-ài sī sèng chheng-khì-siùⁿ.Chit hō lâng na2ku2na2 chiâⁿ-sèng，chhin-chhiūⁿ kòa-chhài-chí ná kú ná tōa，á-sī kàⁿ tī mī-hún lāi ná kú ná hoat.

Lán tio̍h ka-kī séng-chhat khòaⁿ lán ū sêng-si̍t thiàⁿ Chú á bô，koh lán ê thiàⁿ Chú sī ná kú ná tōa á bô.Ta̍k lâng tio̍h chìn-pō͘ chiah tio̍h. Iâ-so͘ kóng，"Thian-kok chhin-chhiūⁿ pó-pòe khǹg tī chhân-nih，lâng tú-tio̍h chiū khàm-ba̍t，hoaⁿ-hí tò-khì bōe só͘ ū ê lâi bóe hit khu chhân. "Koh "Thian-kok chhin-chhiūⁿ chòe seng-lí ê lâng chhē hó ê chin-chu，tú-tio̍h chi̍t lia̍p put-chí kùi-khì ê，chiū khì bōe só͘ ū ê lâi bóe hit lia̍p. "

Pó-pòe ê mi̍h kap chin-chu，sī chí tit-tio̍h kiù ê tō-lí.Chit ê tō-lí uâⁿ-kè sè-kan kim-gûn châi-pó；sui-bóng lán tit-tio̍h kiù sī Siōng-tè pe̍h-pe̍h ê siúⁿ-sù，iáu-kú lâng tio̍h chim-chiok chhē chiah ōe tit-tio̍h.Chhin-chhiūⁿ Sèng-chheh kóng，"Tio̍h chhē chhin-chhiūⁿ chhē gûn，koh tio̍h chhē chhin-chhiūⁿ chhē khàm-ba̍t ê châi-pó，chaih ōe bêng-pe̍k kèng-ùi Chú ê hoat-tō͘，ia̍h tek-khak tit- tio̍h chai Siōng-tè ê tō-lí. "

Lâng nā chai hit ê tō-lí ê pó-pòe，kiám-chhái tio̍h pàng-sak sè-kan ê mi̍h，i ia̍h kam-goān，chhin-chhiūⁿ cchoe3 seng-lí ê lâng bōe só͘ ū ê，lâi bóe hit lia̍p chu chi̍t-poaⁿ-iūⁿ. Iâ-so͘ koh kóng，"Thian-kok chhin-chhiūⁿ bāng pha tī hái-nih，ûi tio̍h chiah ê chúi-cho̍k kàu móa，chiū thoa tī hōaⁿ-téng，chē the khioh hit ê hó ê ji̍p khì-kū，pháiⁿ ê hiat tī gōa-bīn. "

Cha̍p-jī ha̍k-seng kî-tiong kúi-nā lâng pún chòe thó-hî ê.Iâ-so͘ tiàu ê sî bat kóng，"Tè góa，góa beh hō͘ lín tit-tio̍h lâng chhin-chhiūⁿ thó-hî；"ì-sù sī beh hō͘ in thoân tō-lí kiù lâng. Chit-chūn sêng-si̍t ê，bô sêng-si̍t ê saⁿ-chham tī kàu-hōe lāi.Sè-kan ê boa̍t-ji̍t，"thin-sài tit-beh chhut-lâi tùi hó lâng ê tiong-kan poah-khui hit ê pháiⁿ ê，"chhin-chhiūⁿ thó-hî ê lâng hun-pia̍t hî chi̍t-poaⁿ-iūⁿ.

思羅安台語點字網站