《耶穌言行錄》

| | | 轉寄

Tē-44-chiuⁿ,Iā chéng-chí ê phì-jū

作者 Ko Kim-seng. 2009.02.08

(Má-thài 13:3-23;Má-khó 4:1-20; Lō͘-ka 8:5-15.)
Iâ-so͘ koh ēng phì-jū kóng，"Ū iā chéng-chí ê chhut-khì iā chéng-chí.Iā ê sî ū-ê ka-la̍uh tī lō͘-piⁿ，chiau-á kàu lóng chia̍h i.Ū-ê ka-la̍uh tī chio̍h-tōe，hit ê thô͘ bô chhim，hoat-gê khiok sī kín，nā-sī thô͘ bô chhim，ji̍t chhut pha̍k i，bô kun chiū kô͘-tâ khì.Ū-ê ka-la̍uh tī chhì-á-lāi，chhì-á hoat-khí lâi jia-pè i.Ū-ê ka-la̍uh tī pûi tōe，ū-ê chi̍t-pah pē，ū-ê la̍k-cha̍p pē，ū-ê saⁿ-cha̍p pē.
"Iâ-so͘ êng ê sî，tè ê lâng kap cha̍p-jī ê ha̍k-seng mn̄g phì-jū ê kóe-seh.Iâ-so͘ kóng，"Iā chéng-chí ê sī pò-iông tō-lí.Iā tī lō͘-piⁿ ê sī chhin-chhiūⁿ thiaⁿ tō-li，Sat-tàn liâm-piⁿ kàu，chiong iā tī sim-nih ê chhiúⁿ-khì.Iā tī chio̍h-tōe ê，sī chhin-chhiūⁿ lâng thiaⁿ tō-lí chiū hoaⁿ-hí siū；nā-sī lāi-bīn bô kun，chiū ia̍h chiām-sî nā-tiāⁿ，kàu in-ūi tō-lí tú-tio̍h hoān-lān khún-tio̍k，liâm-piⁿ iàm-chiān khì-sak i.Iā tī chhì-á tiong-ng ê，sī chhin-chhiūⁿ lâng thiaⁿ tō-lí，chit sè-kan ê kiáu-jiáu，hè-châi ê bê-he̍k，su-iok hoat-khí tín-tāng，jia7pe3 hit ê tō-lí kàu bōe kiat-si̍t.Iā tī pûi-tōe ê，sī chhin-chhiūⁿ lâng thiaⁿ tō-lí，siu i kàu kiat-chí，ū saⁿ-cha̍p pē，la̍k-cha̍p pe̍，pah pē.”Iâ-so͘ kóng án-ni ū hun-piat sù téng-hō ê lâng，lán tio̍h ka-kī séng-chhat khòaⁿ lán chòe tah-lo̍h chi̍t hō.Siat-sú lán ài siū tō-lí chhin-chhiūⁿ pûi-tōe，tio̍h siông-siông kiû Siōng-tè pī-pān lán ê sim，koh ēng Sèng Sîn kám-hòa，chiah ōe kiat ké-chí kui êng-kng tī Siōng-tè.

思羅安台語點字網站