《耶穌言行錄》

| | | 轉寄

Tē-31-chiuⁿ,Siat-li̍p cha̍p-jī sù-tô͘

作者 Ko Kim-seng. 2008.11.09

（Má-thài 10：1-42；Má-khó 3：13-17； Lō͘-ka 6：12-16）.
Iâ-so͘ chiūⁿ soaⁿ，thong-mî kî-tó Siōng-tè.Thiⁿ kng ū kiò ha̍k-seng，kéng cha̍p-jī lâng chòe sù-tô͘.In ê miâ chiū-sī Se-bûn Pí-tek kap i ê hiaⁿ-tī An-tek-lia̍t，Ngá-kok kap i ê hiaⁿ-tī Iok-hān，koh Hui-le̍k，Má-thài，Pa-to-lô-mái，To-má，A-le̍k-hui ê kiáⁿ Ngá-kok，Se-bûn chheng-chò Se-lo-tí，Ngá-kok ê hiaⁿ-tī Iû-tāi，Ka-lio̍k lâng Iû-tāi（chiū-sī bōe sian-siⁿ ê）.Chí cha̍p-jī ê ha̍k-seng ê tiong-kan，gō͘ lâng ê miâ í-keng kóng liáu；sì lâng sī Iâ-so͘ tī Ka-lī-lī hái-kîⁿ chio ê.Iâ-so͘ hō͘ chiah ê lâng kun-sûi I，chhe in thoân tō-lí；koh siúⁿ-sù in ū i-pīⁿ kóaⁿ kúi ê koân-pèng.Bēng-lēng in tio̍h tāi-seng thoân tō-lí tī Iû-thài lâng，chhut-mn̂g m̄-sái tòa só͘-hùi，in-ūi chòe kang tit-tio̍h kang-chîⁿ sī ha̍p-gî.Koh tùi in kóng，in ōe hō͘ sè-kan lâng iàm-chiān，kū-choa̍t，hām-hāi；chóng-sī m̄-sái kiaⁿ，tùi-te̍k ōe hāi seng-khu，bōe hāi lêng-hûn；nā siông-siông thun-lún，kàu lō͘-bé ōe tit-tio̍h kiù.Lēng-gōa ēng chōe-chōe ōe khǹg in，chiah chiok-hok hō͘ in khì.Lâng hō͘ Iâ-so͘ só͘ chhe，tio̍h chai khah-siông bōe bián-tit kan-khó͘，nā-hoaⁿ-hí kam-goān sêng-siū，ōe hióng-siū thian-kok ê hok-khì.

思羅安台語點字網站