《耶穌言行錄》

| | | 轉寄

Tē-22-chiuⁿ,Ông ê jîn-sîn ê hāu-siⁿ

作者 Ko Kim-seng. 2008.09.07

（Iok-hān 4：46-54）
Kè nn̄g ji̍t，Iâ-so͘ tùi Sat-má-lī-a khí-sin khì kàu Ka-lī-lī séng ê Ka-ná siâⁿ，chiū-sī chêng-ji̍t ēng chúi pìⁿ chòe chiú ê só͘-chāi.Ū chi̍t lâng sī ông ê jîn-sîn，tùi Ka-pek-lông lâi chiū-kūn Iâ-so͘，in-ūi i ê kiáⁿ tio̍h-pīⁿ siong-tiōng tit-beh sí，ǹg-bāng Iâ-so͘ ōe khì i ê só͘-chāi i-hó i.Nā-sī Iâ-so͘ tùi i kóng，"Lín nā bô khòaⁿ-kìⁿ sîn-jiah，chiū lóng m̄ sìn. "

Hit ê jîn-sîn put-chí pek-chhiat，ài Iâ-so͘ kóaⁿ-kín khì，kiaⁿ-liáu kiáⁿ ōe sí.Iâ-so͘ kóng，"Lí tò-khì，lí ê kiáⁿ oa̍h lah. "Hit ê lâng chiū thàn Iâ-so͘ ê ōe.Tī lō͘-nih ū tú-tio̍h lô͘-po̍k lâi pò i kóng，"Lí ê kiáⁿ oa̍h lah. "I chiū mn̄g i ê lō͘-po̍k kóng，"Sím-mi̍h sî hó？"Lô͘-po̍k ìn kóng，"Chā-ji̍t kà tàu chi̍t tiám cheng，jia̍t thè. "Hit ê lâng chiū chāi sī tú-tú Iâ-so͘ kóng，"Lí ê kiáⁿ oa̍h" ê sî.Tùi án-ni i choân-ke sìn Iâ-so͘.

Siat-sú lán ū sím-mi̍h kan-khó͘ ê tāi-chì，tio̍h óa-khò Iâ-so͘ chiah ōe tit-tio̍h pêng-an.

思羅安台語點字網站