《耶穌言行錄》

| | | 轉寄

Tē-8-chiuⁿ,Se-biān，A-ná

作者 Ko Kim-seng. 2008.06.01

（Lō͘-ka 2：25-38）
Iâ-so͘ chhut-sì tē poeh ji̍t siū kat-lé，chiah hō miâ kiò Iâ-so͘，ì-sù sī Kiù-sè-chú.Móa-ge̍h liáu，pē-bu2pho7 Iâ-so͘ khì Iâ-lō͘-sat-léng.Tī tiān-nih chiàu Mô͘-se ê lu̍t-lē hiàn lé-mi̍h.Iâ-lō͘-sat-léng ū chi̍t ê chin lāu ê lâng miâ kiò Se-biān.I tit-tio̍h Sèng Sîn be̍k-sī，kā i kóng，iáu-bōe kàu sí tek-khak ōe khòa-kìⁿ Chú ê Ki-tok.

Hit-sî hō͘ Sèng Sîn kám-tōng ji̍p tiān，tú-á Iâ-so͘ ê pē-bú phō I ji̍p-lâi beh chiàu lu̍t-le lâi kiâⁿ.Se-biān ēng chhiú lâi chih Eⁿ-á，o-ló Siōng-tè kóng，"Taⁿ Chú ah，chiàu lí só͘ kóng，thang páng lí ê lô͘-po̍k pêng-an kè-sì，in-ūi góa tit-tio̍h chhin-ba̍k khòa-kìⁿ Kiù-chú. "

Iok-sek kap Iâ-so͘ ê lāu-bú kî-koài i ê ōe.Se-biān kā in chiok-hok.Koh ū chi̍t ê lāu hū-jîn-lâng tī tiān-lāi，miâ A-ná，sī sian-ti lâng，poeh-cha̍p-sì nî chòe chiú-kóaⁿ，lóng bô lī-khui tiān-nih，sī ēng kìm-chia̍h kî-tó，mî-ji̍t ho̍k-sāi，Siōng-tè khoán-thāi i chin-chhiūⁿ Se-biān，bē kè-óng ê di5 hō͘ i kìⁿ-tio̍h Iâ-so͘.Kìⁿ-tio̍h ê sî，i ê sim tōa hoaⁿ-hí，kám-siā Siōng-tè，liâm-piⁿ ēng chit ê tāi-chì lâi chí-sī Iâ-lō͘-sat-léng hiah ê him-bō͘ Chú lâi sio̍k-hôe ê lâng.

思羅安台語點字網站