巴克禮普世版（試讀本） 哥林多前書第七章
婚姻ê問題
1關 係lín tī phoe內面提 起ê問題：人無結婚khah好。2 M̄-koh因為lín有一kóa淫 亂ê tāi-chì，所以ta̍k-ê cha-po͘人tio̍h有家己ê bó͘，ta̍k-ê cha-bó͘人mā tio̍h有家己ê翁。3 Cha-po͘人tùi bó͘ tio̍h盡做翁ê義務，cha-bó͘人對翁mā tio̍h盡做bó͘ ê義務。4 Bó͘對家己ê身 軀無主 權，她ê主 權在tī in翁。Siāng款，翁對家己ê身 軀無主 權，伊ê主 權在tī in bó͘。5 M̄-thang忽 略對 方ê需要，若是為tio̍h beh專 心祈禱，互 相同意就thang暫 時分 開。後來猶 原tio̍h做伙tòa，chiah免 得因為bē-tàng控 制家己ê情 慾，致使受撒旦ê誘惑。6我 講翁bó͘ thang暫 時分 開，是允 准，m̄是命 令。7我ài ta̍k人lóng親 像我無結婚，m̄-koh ta̍k人tùi上 主領受ê恩賜無 仝 款。有ê chit款，有ê hit款。8對hiah-ê未結 婚ê獨 身kah寡 婦，我勸in若ē-tàng親 像我守獨 身是好。9 M̄-koh若bē-tàng控 制家己，就tio̍h結 婚。寧 可結 婚，比hō͘慾 火燒khah好。10已經結 婚ê人，我命 令lín，其實m̄是我，是主ê命 令：cha-bó͘人m̄-thang離開in翁。11若離開，就tio̍h守獨 身。若無，tio̍h koh kah in翁和好；cha-po͘人mā m̄-thang放sak in bó͘。12 對其他ê人我 講，m̄是主講：若男 信徒娶無信 主ê人做bó͘，in bó͘歡 喜做伙tòa，就m̄-thang kā伊放sak。13若女信徒kah無信 主ê人結 婚，翁歡 喜kah伊做伙tòa，mā m̄-thang kā in翁放sak。14無信 主ê cha-po͘人因為娶信 主ê人做bó͘，會得tio̍h上 主ê接 納。仝 款án-ne，無信 主ê cha-bó͘人因為嫁信 主ê翁，會得tio̍h上 主ê接 納。若m̄是án-ne，lín ê kiáⁿ兒就無屬上 主，其實in是歸 屬上 主。15 M̄-koh無信 主ê人 若beh離開，就chhut-chāi伊離開。Tī chit款ê情 形，信 主ê翁á是bó͘就無受婚姻ê約 束。上 主呼 召咱是ài咱平 安過日子。16 Lín tio̍h知，信 主ê cha-bó͘人kiám-chhái會救家己ê翁；mā tio̍h知，信 主ê cha-po͘人kiám-chhái會救家己ê bó͘。
Tio̍h保持受 召Hit時ê身 分
17 Ta̍k人tio̍h照 主賞賜ê恩賜，照上 主揀 召ta̍k人ê目 的來 生 活，這是我教導各教 會ê準 則。18受割禮了 後chiah接受 呼 召ê人，m̄免掩 蓋割禮ê記號；受 呼 召ê時Iáu未受割禮ê人，mā m̄免去受割禮。19因為有受á是無受割禮lóng無要緊，siōng要緊ê是遵 守上 主ê誡 命。20 Ta̍k人tio̍h保持受 召hit時ê身 分。21祢做奴隸ê時來受召是無？M̄免掛意，m̄-koh若有機會得tio̍h自由，tio̍h把握機會。22因為受主揀 召ê奴隸，是hō͘主tháu放ê自 由 人；siāng款，受主揀 召ê自 由 人，是基督ê奴僕。23 Lín是上 主用代價買來.ê，m̄-thang成 做 人ê奴隸。24兄弟 姊 妹ah，ta̍k人tio̍h tī上 主ê面 前，保持lín原 來ê身 分。
獨 身kah寡 婦ê問題
25關 係獨 身ê問題，我無受主ê命 令，m̄-koh我 已經得tio̍h主ê憐 憫，來 成 做盡 忠ê奴僕，我提 出家己ê意見。26 考慮目 前ê艱 難ê處 境，我 想人iáu是保持現 狀khah好。27若已經娶bó͘就m̄-thang想beh自由，若Iáu未娶bó͘就m̄-thang想beh娶。28 M̄-koh你若娶，m̄是犯 罪；在 室女若嫁，mā m̄是犯 罪。總 是hiah-ê結 婚ê人，tī生 活 上會tú-tio̍h生 活 上ê拖 累，我是teh為lín設想。29兄弟 姊 妹ah，我kā lín講，時日teh-beh到à，所以tùi taⁿ以後，有bó͘ ê tio̍h親 像無bó͘；30 teh啼 哭ê親 像無teh啼 哭；歡 喜ê親 像無teh歡 喜；買 物 件ê親 像無得tio̍h甚 麼；31 teh用世間ê物ê親 像無teh lām-sám用，因為chit世間ê現 狀teh-beh過 去à。32我ài lín lóng無 煩 無惱，無 娶bó͘ ê人關 心主ê tāi-chì，目 的是beh hō͘主歡 喜。33 M̄-koh有bó͘ ê人操 煩世間ê tāi-chì，目 的是beh hō͘ bó͘歡 喜，soah分 心。34無嫁ê cha-bó͘人kah siáu-你關 心主ê tāi-chì，是beh hō͘她ê身 軀kah心 靈lóng聖 潔，m̄-koh嫁翁ê cha-bó͘人操 煩世間ê tāi-chì，目 的是beh hō͘ in翁歡 喜。35我án-ne對lín講 是為tio̍h lín ê利益，m̄是beh kā lín束 縛，是ài lín做合宜ê tāi-chì，thang專 心服 事主，無世間事ê攪 擾。36 M̄-koh若有人想 講家己對 待未出 嫁ê cha-bó͘-kiáⁿ無應 該，cha-bó͘-kiáⁿ若已經超 過結 婚ê年齡，應 該tio̍h照她ê意思hō͘她結 婚，án-ne做m̄是犯 罪。37 M̄-koh伊若無不得已ê tāi-chì，是出tī家己ê決 心，koh ē-tàng控 制家己ê意志，決 定無beh hō͘ cha-bó͘-kiáⁿ結 婚，án-ne做是好。38總 講一 句，hō͘家己ê cha-bó͘-kiáⁿ結 婚是好，無hō͘她出 嫁koh-khah好。39丈 夫iáu活teh ê時，hit-ê cha-bó͘人tio̍h受束 縛；丈 夫若死去，她thang自由嫁她所 意愛ê人，m̄-koh tio̍h嫁hō͘信 主ê人chiah thang。40她nā無koh嫁是koh-khah有福 氣。這是我想 法，總 是我 想我mā有受 上 主ê聖 神啟示。
|
|
|
轉寄