Sió-pêng-iú, ngó͘-an! 小朋友，午安！ Lâi-lâi-lâi 來來來 Lâi tha̍k sè-kài-sú 來讀世界史 Thiaⁿ góa kóng kò͘-sū 聽我講故事 Kin-á-ji̍t beh kóng “Jī-bó ê kò͘-sū” 今á日beh 講「字母ê 故事」 Sè-kài tē-tō͘ thián khui lâi khòaⁿ 世界地圖thián開來看 Ū chi̍t-ê kok-ka chin tōa lī lán chin kīn 有一個國家真大離咱真近 Lán chin sek-sāi 咱真熟sāi Lēng-gōa la̍k-ê kok-ka lī lán chin hn̄g 有另外六個國家離咱真遠 Lán chin chhiⁿ-so͘ 咱真chhiⁿ疏 Tī chi̍t-ê sè-kài hōe-gī Tī一個世界會議 Hit-ê lán chin sek-sāi ê kok-ka Hit個咱真熟sai ê國家 Kā lán ê kok-miâ chhiúⁿ--khì Kā咱ê國名搶--去 Hāi lán chóa-thâu bô miâ chóa-bé bô sèⁿ 害咱紙頭無名紙尾無姓 Hāi lán bô sêng lâng-hêng 害咱無成人形 Hāi lán tī sè-kài ê bīn-chêng iûⁿ--khì 害咱tī世界ê面前溶去 Hāi lán tī tē-kiû siau--sit-khì 害咱tī地球消失去 Lēng-gōa ū la̍k-ê kok-ka 另外有六個國家 Lán chin chhiⁿ-so͘ 咱真chhiⁿ疏 Koan in sin-khu chin tiōng-iàu ê pō͘-ūi hō͘ lán 捐in身軀真重要ê部位hō͘咱 Ū chi̍t-ê Au-chiu ê kok-ka 有一個歐洲ê國家 Chiok ū kut-khì 足有骨氣 Ēng i kok-miâ tiong-ng ê lêng-kut koan hō͘ lán 用伊國名中ng ê龍骨捐hō͘咱 Chò lán khiā--khí-lâi ê hit-ki lêng-kut T 做咱khiā--起來ê hit支龍骨T Chi̍t-ê Pak-bí-chiu ê kok-ka 一個北美洲ê國家 Koan i ê téng-pòaⁿ-sin hō͘ lán chò lán ê téng-pòaⁿ-sin 捐伊ê頂半身hō͘咱做咱ê頂半身A Tang-au chiàn loān tiong ê chi̍t-ê kok-ka 東歐戰亂中ê一個國家 Koan i ê thâu-khak hō͘ lán chò thâu-khak chò lán chū-kí I 捐伊ê 頭殼hō͘咱做頭殼做咱自己I Lâm-bí-chiu chi̍t-ê sàn-chiah ê kok-ka 南美洲一個散chiah ê國家 Kā i îⁿ-îⁿ ê sim-koaⁿ Kā伊圓圓ê心肝 Hoâiⁿ-chhiat chò nn̄g-pòaⁿ 橫切做二半 Chi̍t-pòaⁿ chò lán chiàⁿ-chhiú sèng-lī ê chhiú-sè V 一半做咱ê正手勝利ê手勢V Lēng-gōa chi̍t-pòaⁿ chò lán tò-chhiú lēng chi̍t-ê sèng-lī V 另一半做咱ê tò手另一個勝利ê V Sim-koaⁿ-á-bah ûi--khí-lâi ê hái-éng-poaⁿ un-jiû ê siang-chhiú W 心肝á肉圍起來ê海湧般溫柔ê雙手W A-chiu ê siâⁿ-chhī kok-ka 亞洲ê城市國家 Koan i ê ē-pòaⁿ-sin hō͘ lán chò ē-pòaⁿ-sin A 捐伊ê下半身hō͘咱做下半身A Chi̍t-ê Lâm-bí chiok sè ê kok-ka 一個南美足小ê國家 Khò ūn-hô seng-chûn ê kok-ka 靠運河生存ê國家 Koan in ê siang-kha hō͘ lán chò siang-kha N 捐in ê雙腳hō͘咱做雙腳N Hō͘ lán ē-tàng khiā--khí-lâi Hō͘咱會tàng khiā起來 Hō͘ lán ē-tàng thong-hêng sè-kài Hō͘咱會tàng通行世界 Sè-kài ū la̍k-ê khek in ê kut koah in ê bah 世界有六個國家刻in ê骨割in ê肉 Hō͘ lán bô sêng lâng ê lâng-hêng Hō͘咱無成人ê人形 Siau--sit-khì ê lâng-hêng 消--失去ê人形 Iûⁿ--khì ê lâng-hêng 溶--去ê人形 Koh khiā--khí-lâi Koh khiā--起來 Khiā thêng-thêng tī sè-kài ê bīn-chêng Khiā挺挺tī世界ê面前 Sió-pêng-iú, hit la̍k-ê kok-ka ê miâ 小朋友，hit六個國家ê名 Ài kì hō͘ tiâu Ài記hō͘ tiâu Khek tiàm lán ê sèⁿ-miā lāi-té 刻tiàm咱ê性命內底 Sui-jiân in ê miâ khòaⁿ--khí-lâi sió-khóa chhiⁿ-so͘ 雖然in ê名看起來有小可生疏 Sió-khóa koài-koài: 小可怪怪： AUS RIA C NADA CROAT A PUERT RICO SING PORE PA AMA Chia-ê miâ Chia-ê名 Ài kì hō͘ tiâu-tiâu-tiâu Ài記hō͘ tiâu-tiâu-tiâu Chit la̍k-ê kok-ka í-keng chiâⁿ-chò lán ê chi̍t-pō͘-hūn 這六個國家已經成做咱ê一部份 Lán mā í-keng chiâⁿ-chò chit la̍k-ê kok-ka ê chi̍t-pō͘-hūn 咱mā已經成做這六個國家ê一部份 Tān-sī bô khó-lêng sī kā lán ê miâ chhiúⁿ khì chhàng 但是無可能是kā咱ê名搶去藏 Hit-ê kok-ka ê chi̍t-pō͘-hūn Hit ê國家ê一部分 In-ūi lán ê miâ kap in ê miâ 因為咱ê名kap in ê名 Liân chi̍t-ê jī-bó 連一個字母 To bô koan-hē 都無關係 --2003/5/9 Tī 哈佛燕京圖書館演講kap 王丹做夥座談，唸hō͘ 大部份是中國人ê 聽眾聽。 Tī Harvard Tāi-ha̍k Iàn-kiaⁿ Tô͘-su-koán kap Ông-tan chò-hóe chō-tâm, góa liām chit-siú si hō͘ tāi-pō͘-hūn sī Tiong-kok-lâng ê thiaⁿ-chiòng thiaⁿ.
|
|
|
轉寄