《大人囡a2詩》

 | | | 轉寄

Chiàn-cheng...戰爭

作者 Li KhinhoaN 2005.11.06

listen
Chi̍t-ê tōa-lâng
一個大人
Ko-chhiâng, ū chèng-gī-kám
高chhiâng, 有正義感
Lēng-gōa chi̍t-ê tōa-lâng
另外一個大人
Tōa châng, kap i ū tông-kám
大欉，kap伊有同感
Sio-chio khì phah chi̍t-ê m̄-chiâⁿ gín-á
相招去拍一個m̄-chiâⁿ 囡仔
Kóng i to̍k-phín sì-kè chhàng sì-kè am
講伊毒品四界藏四界掩
Thoa leh sàm
拖leh sàm
Thoa leh chàm
拖leh chàm
Phah hō͘ i chhi-chhám chhi-chhám
拍hō͘伊悽慘悽慘
Kā in-tau châu kah hiám tó-khàm
Kā in兜châu kah 險倒 khàm
Kó-jiân hoat-hiān chi̍t-lia̍p tōa thn̂g-kâm
果然發現一粒大糖含
--2003/4/30 Harvard