《赤崁樓ê情phoe》

 | | | 轉寄

Ngē Kut ê Mûikùi ──Siōng Iûⁿ Kûi

作者 Koa Pek'êng 2021.10.17



Ngē kut ê mûikùi

1915 nî ê mn̂gsìⁿ phāng āupiah
Ji̍tpún peng liàmtn̄g Tâioân thâu
Tī lí káu hòe ê simkoaⁿ khut’á
Tâi lo̍h chi̍t lia̍p hoánkhòng ê chéngchí
Puh chhut ap bē píⁿ ê

Ngē kut ê mûikùi

Khut chi̍t khoán chhit goe̍h pòaⁿ ah'á ê hiôngsè
Lí hiòng thóngtīchiá chhiàngtù
Iōng konggī ê pit chha̍tphòa pe̍hsísat ê kìmkhī
Iōng chungiâm ê kha chàmphòa tēng khokkhok ê chhiûⁿûi
Soan chhut ap bē píⁿ ê

Ngē kut ê mûikùi

Khut chi̍t khoán chhit goe̍h pòaⁿ ah’á ê hiôngsè
Lí hiòng thóngtīchiá chhiàngtù
Iōng konggī ê pit chha̍tphòa pe̍hsísat ê kìmkhī
Iōng chungiâm ê kha chàm phòa tēng khokkhok ê chhiûⁿûi
Soan chhut ap bē píⁿ ê

Ngē kut ê mûikùi

Attn̄g ji̍tôan kî
Chámtn̄g chhengthian pe̍hji̍t
Cha̍p saⁿ tiâu thihliān phahtn̄g lí ê chhiúkut
"Ióng!" Sûi thiàu kàu nââu khang
Hoah chhut ap bē píⁿ ê

Ngē kut ê mûikùi

Siá chi̍t phiⁿ la̍k pah gōa jī ê＜ Hôpêng Soangiân ＞
Thàn chi̍t tǹg chhiaukòe sì chheng kang ê bián chîⁿ pn̄g
"Chi̍t jī gō͘ kang, sèkài siōng kôan ê kóhùi"
Lí phiauphiat ê chhùikak
Thò͘ chhut ap bē píⁿ ê

Ngē kut ê mûikùi

Sánpo̍h ê lí thèⁿkhí sánpo̍h ê thiⁿ
Sánpo̍h ê pit kái iōng tîthâu siá si
Ku̍t! Tósū sûi tíntāng
Ku̍t! Tósū sûi se̍hhiòng
Beh tī chhengchheng bānbān chó͘kong’á tē
Ku̍t chhut chhengchheng bānbān
Ap bē píⁿ ê

Ngē kut ê mûikùi