《赤崁樓ê情phoe》

 | | | 轉寄

Kiâmtō͘ Goânchāi Bûnha̍k Hûn 　　── Si chì Ngô͘ Sin’Êng pah hòe biánkī

作者 Koa Pek'êng 2021.09.12



Khòaⁿtio̍h lí ê tângsiōng
Góa chiah chaiiáⁿ lí
Tha̍ktio̍h lí ê si
Góa chiah se̍ksāi lí

Hit mî ko͘ teng phōaⁿ bāngkéng
Khòaⁿ lí iōng ji̍tkì siá le̍ksú ê sin’iáⁿ
Lí gia̍h pit ê chusè chin ū la̍t
Tī o͘o͘ ê àmmî
Kengkhui kò͘hiong ê ōegí
Lí thiaⁿchín ê hīⁿkhang chin jiûnńg
Tī sánsán ê chhânhn̂g
Iù thiaⁿ thó͘tē ê simsng
La̍kcha̍p nî cha̍tpak ê khaìn
Tah boán Lâm’êng ê tētô͘
Khihkak ê sinsè pó͘ îⁿ ah
Làukau ê cho̍kphó͘ pó͘ chiâu ah

Lí chóngsī tòchhiú the̍h thiaⁿtâng
Tiánkhui koanhoâi ê hengkhám
Antah sànhiong lâng ê sànhiong
Chhun chhut jîntō ê chhiúkó͘
Lámphō jio̍ksè chiá ê jio̍ksè
Lí chóngsī chiàⁿchhiú gia̍h si pit
Ū to̍kchhâi ahpà ê só͘chāi
Tio̍h ū lí chhì giâgiâ ê khònggī
Ū uikoân khiónghat ê tāichì
Chiū ū lí lāi kiàmkiàm ê bûnjī

Tī lí ê bûnjī góa thiaⁿtio̍h kiantēng ê siaⁿim
Ba̍ksái soah tiāmtiām liàn lo̍hlâi
In’ūi Tâioân mî iáu chin tn̂g
　　 Tâioân thiⁿ iáu bē kng

Ko͘toaⁿ ê tângsiōng tī
Ko͘toaⁿ ê iā bū tiong
Ko͘toaⁿ

Êng’àm góa phâng chi̍t poe lí pah nî phang tê
Chē tòa lí siókhóa lakchhat ê tōathúi
Unsi̍p ji̍tsî lín kiásun sīsè
Kā lí oló ê koasiaⁿ

Hn̄ghn̄g chi̍t káng sipsip ê háihong chhoe lâi
Lí phīⁿkhang tōatōa suh chi̍tē
　 chhùikak lio̍k’á tíntāng
Góa ê pichêng thiaⁿtio̍h lí
Kiantēng ê siaⁿim koh chài
Kiantēng hiángkhí,
"Háihong ê kiâmtō͘ goânchāi
Bûnha̍k ê lênghûn tio̍h ū bīlâi ──"