《赤崁樓ê情phoe》

 | | | 轉寄

Chhùi Kā Chhái Pit Chhut Thâu Thiⁿ ── Kháu chiok ōeka

作者 Koa Pek'êng 2021.08.29



Ūitio̍h tháukhui abú katkiû ê ba̍kbâi
Ngē jím gêchô khíhōaⁿ hoeh saisai
Ūitio̍h thè apa ê hoânló kiámpûi
Khíkin kā ân piàⁿsè lim pit chúi

Thiánkhui ōepò͘ pak'hong siā léng chìⁿ
Chhùi kā chhái pit kùchāi sng hong chhîⁿ
Chi̍t phiat phiat chhut piànsūi ê hoelúi
Chi̍t ōe ōe chhut sèⁿmiā ê sektī

Lín kā thiaⁿ chhiūhio̍h ê phok’á siaⁿ leh pò͘tì chhunthiⁿ
Lín koh thiaⁿ sió khe’á chúi tián âu leh liām koasi
Lín khòaⁿ chit pêng ji̍tthâu the tī bóe iah’á ê si̍tkó͘ téng
Lín khòaⁿ hit pêng khinliusiù ê chiáu’á hioh tī hûn thâuchêng

Chhái pit kó͘tōng chūiû ê tōa si̍t
Chhùi kā ngó͘ hoe cha̍p sek ê phangbī
Bāng tī sekpôaⁿ kngkng leh siámsih
Bô chhiú mā ē ōe chhut chi̍t phiàn thiⁿ