《赤崁樓ê情phoe》

 | | | 轉寄

Góa Ah Ū Kámkak —— Si̍tbu̍t lâng

作者 Koa Pek'êng 2021.08.08



Khangkhang thàulām io̍hchúi bī ê pângkeng
Kā kakī khōng tòa pe̍hsek ê chhn̂gkin
Bián koh chhapsiâu ji̍tthâu ê chhiaiāⁿ
Bián koh thunlún hongthai ê hiaupai
Ánne, chiâⁿ hó

Kîkoài?
Góa ê simchōng ah leh thiàu
Góa ah ū kámkak

Kámkak abú ê nââukńg lo̍h kui mî ê hō͘
Góa ba̍kkho͘ tiùⁿtiùⁿ
Tānsī, lūisòaⁿ siohtoh

Kámkak o͘pasáng tī góa sengkhu phah thàike̍kkûn
Góa siūⁿ beh kā i oló
Tānsī, nn̄g phìⁿ siaⁿtòa liâmtio̍h kiôngle̍kkô͘

Kámkak tôngchhon‧ê phâng chi̍t sok mûikùi hoe
Góa siūⁿ beh chhun chhiú chiaplâi phīⁿ
Tānsī, chhiúkut sísí hunhun‧khì

Kámkak iseng iōng thiaⁿtâng tī góa ê hengkhám tǹg ìn’á
Góa thiaⁿkìⁿ
Sìⁿmiā chiāmchiām siauhong ê siaⁿim