《赤崁樓ê情phoe》

 | | | 轉寄

Góa Bô Koài Lí —— Polê oaoa

作者 Koa Pek'êng 2021.07.11



Góa bô koài lí
Tng góa tùi lí ê khachiahphiaⁿ, siak lo̍h
Góa thiaⁿkìⁿ sìⁿmiā chi̍t chat chi̍t chat, chhùi iûⁿiûⁿ
Lak lo̍h útiū khangkhak ê siaⁿim
Khinkhin khongkhong
M̄ sī lí chho͘ kha pūn chhiú
Sī góa miā tiong chùtiāⁿ

Góa chá chiū hoatkak góa ê chûnchāi
Sī chi̍t chūn thangkng ê hong
Chhengchhùi ê kutki, piàn hêng ê kutkeh
Chheⁿ súnsún ê bīn tiāⁿtiāⁿ phû chi̍t iân chheⁿ súnsún ê kōaⁿ
In'ūi lí, sng khó͘ ê ji̍tchí chiah pō͘ tio̍h kamtiⁿ
Kám'un ê sim, ba̍ttō͘ khah kāu lí kengkahthâu ê tāng kōaⁿ

Chin pháiⁿsè!
Hāi lí phāiⁿtio̍h tāng khoâiⁿkhoâiⁿ ê bûko͘

Góa ê chhutsì, sī beh hō͘ lâng ek chhut àisim
Góa ê phòachhùi, sī beh hō͘ lâng khòaⁿ chheng jînsèng
Chhiáⁿ lí mài koán hoatkoaⁿ ê phòaⁿkoat, in m̄ sī Siōngtè
Mā mài thiaⁿ hia o͘liôngse̍htō ê ōephoh, lâng lóng ū chōe

Kîtó lí ê khàusiaⁿ thêngchí
Góa chinchiàⁿ bô koài lí
Hoántòtńg tio̍h kámsiā lí
Tī Siōngtè ê heng'á lāi
Góa m̄ sī polê
Góa sī sōanchio̍h