《CTT出頭天園地》

 | | | 轉寄

I-sap 寓言 23

作者 TLH 2007.07.22

23.Sai, Hô͘-lî, kap Pa̍t-ê Iá-siù

Ū chi̍t-kang, Sai kóng i pēⁿ kàu teh-beh sí lah, kiò só͘-ū ê tōng-bu̍t lóng lâi thiaⁿ i ê kau-tài.

Soaⁿ-iûⁿ lâi-kàu Sai ê tōng-kháu, khiā tiàm-hia, thiaNi kóng chi̍t-khùn. Mî-iûⁿ mā lâi tī hia, iáu-bōe lī-khui. Koh ū chi̍t-chiah gû-á-kiáⁿ mā lâi lah. Tāi-ke lóng beh lâi thiaⁿ tāi-ông ê kau-tài.

Bô-jōa-kú, Sai ū khah hó lah. I chhut-lâi kàu tōng-kháu, khòaⁿ-tio̍h Hô͘-lî tī gōa-kháu teh tán-hāu. “Lí ná-ē bô ji̍p-lâi khòaⁿ--góa?” Sai mn̄g Hô͘-lî.

“Tāi-ông ah, chhiáⁿ lí liōng-kái. ” Hô͘-lî kóng, “Góa khòaⁿ-tio̍h chē-chē tōng-bu̍t ê kha-jiah, kan-ta ū ji̍p--khì--ê, bô chhut--lâi--ê. Tī ji̍p--khì ê tōng-bu̍t iáu-bōe chhut--lâi chìn-chêng, góa iáu-sī lâu tiàm gōa-kháu khah thò-tòng.”

Beh tiòng-kè khah kín, beh thoat-sin khah oh.